Alatsinainy 04 Febroary 2019.

Fandalinana ny Boky 2 Samoela

2 Samoela 19.32-44

1-Namaly soa an’i Barzilay i Davida.Lehilahy  mpanankarena nanampy an’i Davida sy hy olony tamin’ny fotoan-tsarotra izy (2 Sam 17.27). Ary tsy hadinon’i Davida ny soa nataony . Ary isika , mba ahoana ny amin’ny olona nanao soa antsika?Ary ahoana ny amin’i Jesoa izay nanao ny soa faratampony ho antsika ? Saingy tsy tia tena i Barzilay . Ny tombotsoa rehetra tokony ho azy dia nafoiny ho an’i Kimama zanany . Inona tokoa moa no fifalian’ny ray amandreny toy ny mahita fa eo ambany fiahian’ny Mpanjakany zanany? Omeo an’i Jesoa , Ilay mpanjakan’ny mpanjaka koa ny zanakao ho eo ambany fahasoavany manana amby ampy .

2-Nifanditra ny amin’i Davida ny Joda sy Israely . Fomban-javatra fahita izany , rehefa « tafita » ny olona iray dia ifandrirotana hoe: havanay iny .Rehefa voafidy ny olona iray dia miseho sy miady fo ho mpiara-miasa aminy avokoa ny olona. Ary tsy vitsy ny mamadika palitao mba hahazoana ranondranony amin’ilay nandresy. Toetra efa tokony hialana izany mba ho ny fitiavana marina no hifandraisana amin’ny mpitondra.

« Raiso ny Tenin’ Andriamanitra » Boky faha-3

Perikopa

Aprily: Hazony ny famonjen'ny Tompo

| | 28. Ala I man Paska-Asa TOPAZA
Sal 82.1-8 / Jao 21.1-14 / Rom 6.1-7

FJKM Fahazavana

Toriteny Mpitandrina Zarazaka Jean Louis

ZARAZAKA Jean Louis, Mpitandrina ,
Mahamasina / 20 01 2019