Vaovao farany Vondrom-piangonana anatiny

FFPM/AKZV

FFPM / AKANINJAZAVAVY  (AKZV) BEHORIRIKA


Tontosa ny Alarobia 06 Jolay 2022 ny fifamindram-pitantanana  tamin’ ny Tale AKZV teo aloha, Ramatoa POGET HELIVAO , Mpitandrina FJKM sy Ramatoa  FANJARIVOLA Ranivoarimanitra , Tale FOFIKRI teo aloha. Izany dia natao tao amin’ny  Akaninjazavavy  (AKZV) Behoririrka tantanan’ny FFPM, natrehan’ny Tonia sy Mpandraharaha FFPM, ny  Komity Teknika AKZV 4 Mianadahy. Ny Tonia FFPM no nitarika ny fotoana tamin’ny alalan’ny Fanompoampivavahana fohy nalaina tao amin’ny Isaia 41.9-10 :  Tena ilaina ny mihaino ny feon’Andriamanitra amin’ny fotoan-tsarotra. Andriamanitra tsy miova. Koa aza matahotra. Nifanolorana tamin’izany ny Bokim-pananana, ny Tatitra ara-bola 2022. Avy eo dia natao ny fitsirihana ny entana voamarina sy ny toetoetry ny trano. Marihana fa ny isan’ny kilasimandry dia 21 mirahavavy: 14  ny mpanao taozavatra, 09 ny parkings amin’izao fotoana izao. Ny Tale POGET Helivao dia voatendry ho Tale Nasionalin’ny Aumonerie Nasionalin’ny FJKM. Ny famindram-pitantanana dia niafara tamin’ny fanaovan-tsonian’ny Tonian’ny FFPM, nyTale roa tonta, ny Filohan’ny KT/AKZV.


 Mirary soa amin’ny fanohizana ny asa ho Voninahitr’Andriamanitra.

Rtoa Sahondramalala Vololona
Filohan’ny KT/AKZV

Perikopa 2023

Febroary: NY FAHEFAN'NY TENIN'ANDRIAMANITRA

| | 05. Ala. V man.Epifania
Zak 1.1-6/ Mar 1.21-28 / Heb 1.1-4

| | 12. Ala.VI man.Epifania-Alahadin'ny Baiboly
1Mpan 13.1-6 /Lio 8.22-25/ 2 Tim 3.14-17

| | 19. Ala.VII man Epifania -Arsiva FJKM
Eks 20.18-26 / Jao 12.44-50 / Asa 19.11-20

| | 26. Karemy I
Deo 18.20-22 / Mar 2.1-12/ Heb 4.12-13

FJKM Fahazavana

Alahady 29 Janoary 2023