Fifandraisana Tongasoa Vondrom-piangonana anatiny

FFKM / Fanambarana

FIOMBONAN’NY FIANGONANA KRISTIANA ETO MADAGASIKARA (FFKM)

FANAMBARANA

Ny Fiombonan’ny Fiangonana Kristiana eto Madagasikara (FFKM) , manoloana ny toe-draharaham-pirenena ankehitriny , amin’ny famaliana ny antson’i Kristy manangana azy ho Mpaminany eto amin’ny firenena, araka ny nambarany hoe: « Ianareo no fanasin’ny tany……..Ianareo no fahazavan’izao tontolo izao »(Matio 5:13-14).

1- Mampahery ny vahoaka Malagasy mpiray tanindrazana amin’ny fiatrehana ireo zava-tsarotra samihafa mifamahofaho eo amin’ny fiainany ankehitriny.Aoka tsy hiraviravy tànana, fa hanankim-po amin’Andriamanitra, Ilay Ray be fitiavana efa niteny hoe : « efa hitako tokoa ny fahorian’ny oloko……efa reko ny fitarainany » (Eks 3.7);

2- Mampirisika ny vahoaka Malagasy handeha hifidy amin’ny fifidianana ho avy, ary hahay mifidy ny olona hametrahana ny fitokisana hitondra ny tany sy ny fanjakana. Mahaiza mifidy mba tsy hanenenana any aoriana, ka ny olona hofidina dia mba ho:

– olona matahotra  an’Andriamanitra Ray sy Zanaka ary Fanahy Masina

– olona hita fa vonona hanompo ny vahoaka sy ny firenena

– olona efa hita fa afaka hahavita zavatra hanangana ny firenena

– olon’ny fisokafana, hanaiky hiara-miasa amin’ny ankolafin-kery samihafa

– olona mendrika eo amin’ny fitondrantenany sy ny amin’ny fahamarinana.

3- Tena adidintsika Kristiana ny mifidy. Vitao ny adidinao. Manentana ny Kristiana rehetra.Mitafia fahavononana. Sahia mandray andraikitra eo amin’izay manandrify antsika avy, indrindra eo amin’ny fitandroana ny fahamarinana eo amin’ny fifidianana ho avy. Ndao hiombom-peo hiteny hoe : « hataoko ahoana no fijery ny loza hanjo ny fireneko » ( Est 8.6);

4- Miantso ny Governemanta sy ny CENI mba hanamarina tsara ny lisi-pifidianana , mba hitandro toy ny anakandriamaso ny fitantanana ny fifidianana indrindra ny fanajana ny safidim-bahoaka mba tsy hampisy olana na krizy intsony.

5- Mampahatsiaro anareo mpikambana ao amin’ny HCC ny havesatry ny entana eo an-tsorokareo amin’ny fitandroana ny FAHAMARINANA. Mampahery  anareo tsy ho solafaka mamindra  na ho kenda mitsako.

Dia  homba antsika mianakavy anie ny fahasoavan’i Jesoa Kristy Tompo sy ny fitiavan’Andriamanitra Ray ary ny fiombonana amin’ny Fanahy Masina .

                                  Antananarivo faha 19 Aogositra 2018

 

Amin’ny anaran’ny Filoham-Piangonana 4 mirahalahy:

Monseigneur ANDRIANARIVELO Samoela Jaona, Filohan’ny EEM

Andriamatoa IRAKO ANDRIAMAHAZOSOA Ammi ,Filohan’ny FJKM

Pastora Dr RAKOTONIRINA David , Filohan’ny FLM

                  Monseigneur Marie Arsène Odon RAZANAKOLONA, Filohan’ny EKAR

 

 

Perikopa

Oktobra: Mandehana amin'ny rariny sy ny hitsiny ao amin'ny Tompo

| | 21. Alah.XX man Trinite-MAMRE
Jer 22.15/ Mar 25.31-46 / 1Tim 6.17-19

| | 28. Alah XXI mn. Trinite Samp Fifohazana sy Reformasiona
Deo 6.14-19/ Mat 12.38-40/ Asa8.14-24

Novambra: Mivonona hihaona amin'ny Tompo

| | 04. Alah.XXIII man.Trinite
Amo.4.6-13 / Lio 12.35-40 / Heb 11.13-16

| | 11. Alah.XXIVman.Trinite-Fitantanana Fananana(FIFA)
Mal 2.17-3.1-12 / Mat 3.1-12 / 1 Jao 2.24-29

FJKM Fahazavana

T

ANDRIAMASINORO Fidimalala, Mpitandrina ,
Komitin’ny faha-50T FJKM
Kianja D.Jones Toamasina / 19 08 18