Fandalinana ny Boky 1 Mpanjaka

1 Mpanjaka 2.1-12

Fianarana lehibe  no avelan’ity fara-hafatra nataon’I Davida ity :

1-Mahereza:  Misehoa ho lehilahy (and 2). Tena mila zany  fampaherezana izany I Solomona izay vao nandray fanjakana. Tsy zava-mora manko  izany  mitondra fanjakana izany. Adidin’ny zoky sy ray aman-dreny ny mampahery  ireo zandry sy zanaka mandimby eo amin’ny andraikitra lehibe ankinina amin’izy ireny , satria toerana ifandimbiasana rahateo ny asa amihafa.

2-Tandremo ny Tenin’ Andriamanitra.”Ary tandremo izay asain’i Jehovah Andriamanitrao  ho tandremana …mba hataonao  lavorary  avokoa izay rehetra hataonao sy izay rehetra alehanao”(and 3) hoy I Davida. Tena ny fanalahidin’ny fahombiazana mihitsy no nomeny an’I Solomona eto, toy  ny nampitan’i Mosesy izany tamin’i Josoa nandimby azy koa (Jos 1.7). Ary marina ho anao koa izany : te-hahomby ve ianao? Araho  ny sitrapon’ Andriamanitra voalazan’ny Baiboly .

3-Mahaiza mitsara marina. Izany  no dikan’ireo hafany momba ireo olona voatonona anarana manokana : ny nanao ny tsara , ny hotohizana hovaliana soa, ny nanao ny ratsy tsy maintsy hofaizina. Tsy azontsika adinoina koa mantsy izany rehefa ho avy ny Tompo  Jesoa dia hitsara ny olona rehetra araka ny asany (Apo 22.12).

“Raiso ny Tenin’ Andriamanitra”Boky faha- 3