PERIKOPA Febroary 2017
Vavolombelon’ny fanekeny ny Tompo
Ny perikopa amin’ny Alahady roa farany amin’ity volana febroary ity no iarahana mijery eto. Izany hoe, ireo perikopa mamarana ny vanim-potoan’ny Epifania. Ireto lafiny telo ireto no hasongadina amin’izany, ka narafitra ao anaty fafana iray mba tsy hivalamparan’ny fanazavana:
| Perikopa | Iza moa ny Tompo, Ilay manao fanekena, araka ny fanambaran’ny perikopa ? | Inona no endrika na votoatin’ny fanekena ataony. | Manao ahoana no maha vavolombelona Azy eo anoloan’io fanekeny io ? |
| Levitikosy 26, 40- 45 | Andriamanitra :
· Mpamela heloka sy mpitari-dalana ny olona (and. 41) · Mahatsiaro ny fanekeny (and.42) · Manambara ny tenany amin’ny olony (and. 44) · Mitahy ny olony (and.45) |
Andriamanitra ho Andriamaniny ary ny olona ho olony | · Andriamanitra mamela heloka ny olona miala amin’ny fahadisoany (and.40- 42)
· Fanekena tsy miova (eo amin’ny taranaka mifandimby) · Tsy manalabaraka ny olony eo anoloan’ny firenen-kafa (and.44) |
| Jeremia 31, 31- 34 | · Ilay manavao ny fanekeny amin’ny olony (and.31- 32)
· Mitondra ny olony hiala amin’ny fanandevozana (and. 32)
|
· Ny Lalàna omen’Andriamanitra mba ho porofo fa Izy ho Andriamanitra ary ny Zanak’i Israely ho olony (and. 33)
· Ny famelan-keloha ampanantenainy ny porofon’ny fanekeny. (and.34) |
Andriamanitra tsy mivadi-panekena (and. 32b) |
| Matio 22, 34- 40 | I Jesoa: Mpampianatra (and.36) | Ny fitiavana no ivon’ny fanekena (and. 40) | I Jesoa tsy miala amin’ny voasoratra ao amin’ny Bokin’ny lalàna (Deo.6,5 Lev. 19, 18) |
| Jaona 7, 37- 39 | I Jesoa: (and. 37)
· Miantso olona, · Manafaka ny olona amin’ny hetahetany. · Mampanantena ny Fanahy Masina (and.39) |
I Jesoa mitsinjo ny mahasoa ny olony amin’ny alalan’ny fampanantenana fanafahana amin’izay hetahetan’ny olona amin’ny alalan’ny Fanahy Masina hiasa ao amin’ny olona. | Fanekena tsy miova, ilay maneho ny fifamatorana sy ny fiombonan’Andriamanitra amin’ny olony. (Araka ny fanekena: “Izaho ho Andriamanitrareo ary ianareo ho oloko”.) |
| 1 Timoty 6, 11- 16 | · Andriamanitra fantatra ao amin’ny olona ny toetrany araka ny toetra voatanisa fa ananan’ny olona antsoina hoe: Lehilahin’Andriamanitra and. 11)
· Andriamanitra miseho eo amin’ny olona (and. 13) · Andriamanitra manamarina ny olony amin’ny andro farany (and.14) · Tokana, Mpanjaka, Tompo and. 15 |
Andriamanitra fantatra ao amin’ny olona. Izany hoe : Andriamanitra miombom-piainana amin’ny olona. | Andriamanitra tsy miova, ankehitriny sy ho mandrakizay |
| Hebreo 10, 11- 18 | · I Jesoa: Mpisorona mahafaka ny fahotan’ny olona (and. 13)
· Ny Fanahy Masina mpampahatsiaro ny lalàna sy mpamafa ny fahotan’ny olona |
· Ny fanafahana ny olona amin’ny fahotana
· Ny fanomezana ny lalàna ho tsaroan’ny olona mandrakariva mba ho fanavotana azy. (and. 16- 18)
|
Fanavotana indray mandeha (teo amin’ny fahafatesany toy ny endriky ny sorona) tsy miverina ary maharitra mandrakizay. |
Ho an’Andriamanitra anie ny voninahitra.
RAKOTOZANANY Andrianirinomena Jules, Mpitandrina
