SAF /Fanolorana fitaovana
Fanolorana fitaovana ara-pahasalamana ho an’ny Foibe FJKM.
Nitondra ny anjara birikiny amin’ny fanampiana ny fiangonana manoloana izao ady amin’ny covid-19 izao ny Sehatrasa fampandrosona FJKM na ny SAF FJKM. Nanolotra fitaovam-piarovana ara-pahasalamana izy ireo tamin’izany ny Alakamisy 3 septambra 2020. Ny solotenan’ny Biraon’ny mpiandraikitra foibe FJKM, izay notarihan’ny filohan’ny FJKM Dr. Irako Andriamahazosoa Ammi Mpitandrina sy ny Sekretera Jeneralin’ny FJKM Radimison Jonah Mpitandrina no niatrika izany fanolorana fitaovana ara-pahasalamana izany. Anisan’ny nisolotena ny SAF FJKM kosa tamin’ity hetsika fanohanana ity ny solontenan’ny Mpanatanteraka sy ny Filankevi-pitondrana notarihan’ny Filohany Rakotoarivony Hubert Mpitandrina. Fiaraha-miasa avy amin’ireo mpanohana ny asa fampandrosona sahanin’izy ireo toy ny tetik’asa Rapid Response Fund ao anatin’ny Act Alliance no nafahany nanatontosa izao hetsika izao.
Nangonin’i Veronica