Alatsinainy 09 Desambra 2019.
Fandalinana ny Boky JEREMIA
Jeremia 52.24-34
Nitohy teo amin’ny lafiny fivavahana ny famaizana an’i Jerosalema.
1-Novonoina mbamin’ny mpisorona
Nisy sisa tamin’ny vahoaka sasany nitolo-batana. Tsy novonoin’ny Babylona ireny fa nentiny ho babo fotsiny . Fa izay nandositra tahaka ireo mpitarika fivavahana tao amin’ny tempoly sy ny miaramila kosa novonoiny tany Riblà (and27) . »Lozan’ireo mpiandry ondry izay manimba sy mampihahaka ny ondry fiandriko , hoy ny Tompo » (Jer 23.1)
2-Mamindra fo ny Tompo
Tsy maintsy hisy farany ihany izao fahababoana izao . Ho an’ireo vahoaka sasany mahantra tavela tany Joda na lasan-ko babon’ny Kaldeana dia ny famindrampon’ny Tompo no hany fanantenany .
Rehefa maty i Nebokadnezara dia navoakan’i Evila-merodaka , mpandimby azy avy tany an-tranomaizina i Joiakima (and31), mpanjakan’i Joda , izay nobaboina talohan’i Zedekia (2 Mpan 25.27-30). Nahazo seza fiandrianana indray izy na dia tsy misy fahefana manaraka izany aza fa fomba fanajana amin’ny maha-mpanjaka azy fotsiny sisa (and32,34).
Ny famonjena antsika tokoa dia avy amin’ Andriamanitra Ray izay naniraka an’i Jesoa « mba hamonjy ny olony ho afaka amin’ny fahotany » (Mat 1.21).
« Raiso ny Tenin’ Andriamanitra » Boky faha-6