Alatsinainy 11 Novambra 2019.
Fandalinana ny Boky JEREMIA
Jeremia 33.1-18
Endrey ity fanasoavana anao ry Israely
1-Hovalian’ Andriamanitra raha miantso , ary hanehoana zava-mahagaga sy saro-pantarina .
2-Hositranina ho afaka amin’ny fanaintainana ka hahita ny tena haren’ny fiadanana sy fahamarinana
3-Hodiovina ho afaka amin’ny helony ka ho vita fihavanana amin’ Andriamanitra indray .
4-Firenena hahafaly an’Andriamanitra , ka dia hohasoaviny omeny harena .Hitsiriritra azy ny firenena ambonin’ny tany ;
5-Haverina indray any an-tanindrazany izy ireo , rehefa tonga ny fotoanandro voatendry ho amin’izany . Haverina amin’ny laoniny ihany koa ny taniny ka ho tonga tahaka ny tany aloha , izany hoe: ho tany aloha , izany hoe: ho tany tondra-dronono sy tantely .
6-Mpanjaka marina izay tena hitsara marina no hanjaka aminy dia ilay rantsana marina avy amin’i Davida , araka izay efa nifaneken’ Andriamanitra tamin’i Davida . Tsy iza izany fa i JESOA KRISTY .
Noho izany dia afaka ny hahazo ireo tombotsoa ireo koa ianao satria mpanara-dia an’i Jesoa . Raiso Izy ho Tompo sy Mpamonjy anao , ary ialao ny ratsy izay tsy mifanaraka amin’ Andriamanitra.
« Raiso ny Tenin’ Andriamanitra » Boky faha-6