Mois : septembre 2019

SAMPATI FOIBE/ KP

FANOFANANA KOMITIM-PIVONDRONANA

Daty : 20-21 SEPTAMBRA 2019

Toerana : FJKM ATSIMON’I MAHAMASINA

Vina : SAMPATI FJKM, Hetsi-panabeazana ho fampandrosoana ny Fiangonana sy Firenena

Tanjona : Komitim-pivondronana SAMPATI mahafantatra sy mahay ny andraikiny amin’ny maha mpitantana sy mpitarika azy ka afaka manatanteraka izany ho amin’ny fampandrosoana ny SAMPATI FJKM : Fitandremana- Synodamparitany- Foibe.

KOMITIM-PIVONDRONANA

  • Mahay mitantana olona sy ekipa
  • mahay mitantana vola, fitaovana, asa, olana….
  • mahafantatra ny fikambanana sy ny mpikambana rehetra
  • mahafantatra ny maha FJKM sy ny maha SAMPATI FJKM
  • mahafantatra ny andraikitra eo anivon’ny Fivondronana
  • mahafantatra ireo adidy andrasana aminy sy ny fomba fitadiavam-bola
  • mahafantatra ny maha-zava-dehibe ny fiainam-panahy (tenany sy ny sampana)

KARAKARA

TETK’ORA ZOMA 20 SEPTAMBRA 2019 SABOTSY 21 SEPT 2019
7h-8h Fandraharahana: (Badge, boky fiofanana, ) Fandaminana samihafa
8h-9h Culte :Fanombohana :Perikopa : Lio.12, 35-40 Culte : Perikopa : Mat.5,13-16  
9h-10h Fampianarana I : FANTARO : SAMPATI FJKM (Sampana sy Fikambanana) (Tonia sy Akomba Mazoto) Fampianarana 4: NY FAHAIZA-MITARIKA (Tonia syVorompotsy Mijoro)
10-11h
11-12h Fampianarana 2 : Zon’nyAnkizy (Vorompotsy Mijoro) Fampianarana 5 : Ny andraikitry ny KP (Filoha sy Past Hanitra)
12-13h SAKAFO – FIALAN-TSASATRA
13-14h
14
-15h 		Fampianarana 3:Fandraharahana :Adidy sy fandrafetana soritrasa(Vonenina Milofo) MAMY NY MODY
15-16h

FAMPITAOVANA sy FANDAMINANA

– Vidin’ny boky fiofanana sy Badge : 6000 Ar

– Mamelotena ny mpiofana rehetra (sakafo sy toeram-pilasiana)

Mofonaina isanandro

MANOMPOA NY TOMPO  AMIN’ NY FAHAMASINANA

VOLANA SEPTAMBRA 2019

01 Lio 2.21-24
02 Apo 2.18-29
03 1 Kor 1.26-31
04 Eks 12.15-17
05 Jos 24.14-18
06 Efe 4.11-16
07 Mat 23.16-22
08 Jos 24.19-28
09 Sal 93.1-5
10 Zef 3.9-11
11 Asa 6.1-7
12 Fil 2.12-18
13 Lio10.38-42
14 Sal 2.10-12
15 Amo5.21-27
16 Lio 1.67-80
17 Mat 5.21-24
18 Jao 4.19-24
19 1 Kor 5.1-5
20 Tit 1.5-9
21 Eks 15.11-13
22 Rom 12.1-2
23 Sal 99.1-9
24 1 Tant 28.9-10
25 1 Kor 6.1-11
26 Jao 15.1-8
27 2 Kor 6.1-11
28 Mat26.6-13
29 Heb 12.25-29
30 Eze 20.39-44

Alatsinainy 02 Septambra 2019.

Fandalinana ny Boky 1 KORINTIANA

1 Korintiana 15.51-58

Ambaran’izao Soratra masina izao ny tsiambaratelon’ny fandresena ao amin’i Kristy ho an’izay mino . Hitsena sy hihaona amin’ny Tompon’ny Voninahitra isika.

1-Hitafy ny tsy fahalovana mandrakizay

Miomàna hitsena ny Tompo . Ny lamba na ny akanjo hoentintsika mitsena ny Tompo dia ny tsy fahalovana mandrakizay na ny maty na mbola velona izany (and51-52). Fahefan’ Andriamanitra manokana ny fanovana antsika, fa tsy ezak’olombelona akory « izay hanova ny tenan’ny fietren-tenantsika ka hitovy endrika amin’ny tenan’ny voninahiny , araka ny fiasan’ny heriny , izay hahaizany hampanaiky ny zavatra rehetra ho Azy » (Fil 3.21).

2-Mpandresy mandrakizay isika

Ny fahafatesana no fahavalo farany tsy maintsy horesena. Ny dikany : ho avy tokoa ny fitsanganan’ny vatana ho velona . Tsy hanankery intsony ny fahafatesana fa ho resen’i Kristy tanteraka izy , ka tsy hoe i Kristy ihany no nitsangana tamin’ny maty, fa ny maty rehetra koa dia hitsangana avokoa. Ary rehefa hatafin’ Andriamanitra antsika ny tenan’ny tsi-fahafatesana dia ho MPANDRESY MANDRAKIZAY ISIKA (vakio 15.54-57).

3-Miorena tsara

« Koa amin’izany ry rahalahiko malalako , dia miorena tsara , aza miova ary mahefà be mandrakariva amin’ny asan’ny Tompo , satria fantatrareo fa tsy foana tsy akory ny fikelezanareo aina oa amin’ny Tompo  » 1 Kor 15.58).

« Raiso ny Tenin’ Andriamanitra » Boky faha-8

Alahady 01 Septambra 2019.

Fandalinana ny Boky 1 KORINTIANA

1 Korintiana 15.35-50

Mamaha ny olana mahakasika ny fitsanganan’ny tena amin’ny maty hatrany i Paoly .Tena (vatana) manao ahoana no hitsangana amin’ny maty ? Rehefa hatsangana amin’ny maty isika dia:

1-Hitafy ny tenan’ny any an-danitra

« Ary misy tenan’ny any an-danitra , ary misy tenan’ny ety an-tany fa hafa ny voninahitry ny any an-danitra ary hafa ny an’ny ety an-tany (15.40). Tsy afaka handova ny lanitra ny tenan’ny ety an-tany . Manana tombony isika olombelona izay nataon’ Andriamanitra hitovy endrika Aminy (Gen 1.26-27) , ary nofofoniny fofonaina mahavelona (Gen 2.7). Efa nanomana vatana ho antsika izay mino ho afaka hifanatrika Aminy mivantana ny Tompo dia isika izay mitafy an’i Kristy (Rom 13.14).

2-Handova ny Fanjakan’ Andriamanitra isika

Handova ny fanjakan’ Andriamanitra ny marina , fa ny tsy marina kosa tsy mba hanana izany anjara lova izany (1 Kor 6.9-10) satria tsy mba manana ny vatan’ny voninahitra izy ireny (1 Kor 12.23) « …atsangana amin’ny voninahitra …atsangana amin’ny hery  » (1 Kor 15.43). Aoka hanana fanantenana isika fa tsy maintsy ho tonga ao amin’ny fanjakan’ Andriamanitra ny tenanao raha mino tokoa ianao . « Ary toy ny nitondrantsika ny endriky ny amin’ny tany no hitondrantsika ny endrik’ilay any an-danitra koa » (115.49). Tano hatrany ny finoana sy ny fanantenana ary ambonin’ izany ny FITIAVANA (1 Kor 13.13/ Mar 16.16/ Jao 3.36).

« Raiso ny Tenin’ Andriamanitra » boky faha-8