Alatsinainy 07 Janoary 2019.

Fandalinana ny Boky 2 Samoela

2 Samoela 1.17-27

Omem-boninahitra mandrakariva ny olom-boahosotra, na dia eo aza ireo mety ho fahalemeny.

1-Nasehon’i Davida fa olom-boahosotra i Saoly

Navesa-danja tao anatiny hatrany ny maha- olom-boahosotra ny mpanjaka . Ilay voninahitry ny Israely no ilazany azy na dia lavo sy matin’ny fahavalo aza.

2-Nasehon’i Davida mazava tsara ny alahelony

Hoy izy: »Endrey !lavo ny mahery« (and19,25,27). « Indrisy« : hoy ny fanitsiana ny dikateny. « ory noho ny aminao aho , ry Jonatana rahalahiko« (and26) . Na dia efa nifofo ny ain’i Davida aza i Saoly dia tsy noraisiny ho fifaliana ny zava-nihatra taminy. »Aza ambaranareo…aza torinareo ho fifaliana« (and20).

3-Notsiahivin’i Davida ny soa vitan’i Saoly .

Hita izany na tamin’ny fitarihana tafika na tamin’ny fiahiana sy fitondrana ny vahoaka: »fa nahafinaritra ny nampitafiany jaky anareo , sady nasiany firava-bolamena ny fitafianareo »(and24). Toy izany koa ny toetrany izay tena be fitiavana. Tsy hoe »maty vao Ramalala » akory izany , fa tena toetrany mihitsy ny tia izay nanenjika azy , araka ny hafatr’i Jeso amintsika hoe: »Tiava ny fahavalonareo ary manaova soa amin’izay mankahala anareo » (Lio 6.27)

« Raiso ny Tenin’ Andriamanitra » Boky faha-3