FMBM/ Andron’ny Baiboly 2018.

FIKAMBANANA MAMPIELY BAIBOLY MALAGASY

« Fa izahay dia mpiara-miasa amin’ Andriamanitra  ary ianareo no sahan’ Andriamanitra . Trano aorin’ Andriamanitra  koa ianareo » 1 Kor 3.9 DIEM

Hankalazaintsika  amin’ny Alakamisy 21 Jiona 2018  ho avy izao ny Andron’ny Baiboly . Vita printy  teto  Madagasikara  tamin’ny 21 Jiona 1835 ny Baiboly Malagasy  voalohany . Endrika maro samihafa no hanamarihana izany vanimpotoana izany manerana  an’i Madagasikara  sy any amin’ireo  firenena hafa izay ahitana komitim-paritra sy fiangonana Malagasy . Amin’ity  taona 2018 ity  dia hisy hetsika iraisana izay hanentanana sy hifanentanantsika  rehetra  mba ho fanamarihana  izany Andron’ny Baiboly izany : manokana 3 minitra  amin’io Alakamisy  21 Jiona 2018  io hamakiana ny SALAMO 139 ny tsirairay , ka atao amin’ny ora  sy ny toerana izay  mety aminy .

« ka mba iray feo ianareo hiara-manome voninahitra an’ Andriamanitra , Rain’i Jesoa Kristy Tompontsika « Rom 15.6 (DIEM)

Ny FMBM

Rabenjarisolo Fabrice, Mpitandrina 

Tomponandraikitry ny Fandikanteny sy Famokarana