Zoma 07 Desambra 2018.
Fandalinana ny Boky 1 Samoela
1 Samoela 19.19-24; 20.1-4
1-Mifofo ny an’i Davida i Saoly
Intelo naniraka olona hisambotra an’i Davida izy , nefa tsy nahomby. Tsy nahavelona eritreritra azy izany fanakanan’ Andriamanitra ny teti-dratsiny izany , fa mbola lasa ihany koa izy tenany . Tsarovy fa misisika mafy hamely antsika ny fahavalontsika . Aoka anefa hatoky isika fa « Raha Andriamanitra no momba antsika iza ny hahatohitra antsika ? » (Rom 8.31).
2-Manova ny zava-dratsy sainin’ny olona ny Tompo
Mahalala am-po tsy miloaka Andriamanitra ary afaka mandrava sy manafoana ny fikasan-dratsy rehetra hamonbjeny ny olony . Na dia i Saoly voalaza tany aloha fa nialan’ny Fanahy masina aza dia niasan’ny Fanahy masina indray eto hahafoana ny asa ratsiny (1 Sam 19.19-24). Fantaro àry fa hain’ Andriamanitra hahodina hahasoa ny mpanompony na ny teti-dratsin’ny fahavalo aza.
3-Aza mamoy fo
Na dia nanao izay hahafaty an’i Davida aza i Saoly , i Jonatana kosa raiki-pitia tamin’iDavida.Tena fampaherezana izany , fa na fofoina noho ny maha- olon’ Andriamanitra aza ianao ,misy mandrakariva ny hafa , tena olon’ Andriamanitra koa, tia sy vonona hanasoa anao .
« Raiso ny Tenin’ Andriamanitra » Boky faha- 3