Talata 16 Oktobra 2018.
Fandalinana ny Bokin’i Josoa
JOSOA 18.1-27 / 19.1-51
1-Tantara lava.
Namaky teny lava isika , saingy Soratra masina daholo izany . Nomena antsika izany hahatsiarovantsika fa eo amin’ny fiainan’ny fiangonana dia ilaina ny misahirana mitahiry ny tantara . Ary tsy maintsy ikirizana ny asa atao mba ho vita hatramin’ny farany .
2-Natsangana ny Tranolay fihaonana (and1)
Zava-dehibe eo amin’ny fiainan’ny firenena izany mariky ny fanatrehan’ny Tompo. Dia lasa foibem-pivavahana i Silo izay nananganana azy, sady toerana nanaovana ny fihaonamben’ny Zanak’ Israely rehetra mba tsy ho voazarazaran’ny fizaran-tany .
3-Nasaina niezaka ireo foko 7 amin’ny Israely mbola tsy nahazo anjara
Nasain’i Josoa namantatra ny tany aloha izy ireo (and2-10), ka nony azo ny dinidinika dia natao ny antsapaka . Ny dinidinika dia mariho fa tsy maintsy an-tsoratra (and6,8,9). Manao ahoana ny firaiketan-tsoratra any amin’ny fiangonana sy fikambanana kristiana misy anao any ?
4-Nahazo zaratany koa i Josoa (and49-50)
Ny baikon’ny Tompo ihany no namaritra izany. Sarobidy ny fitsinjovana ny mpanompon ‘Andriamanitra toy izany indrindra rehefa antitra izy.
Ho an’ Andriamanitra irery ny Voninahitra .
« Raiso ny Tenin’ Andriamanitra » Boky faha-2