Alatsinainy 04 Novambra 2019.
Fandalinana ny Boky JEREMIA
Jeremia 29.15-32
Mila mandinika tsara isika olombelona fa tsy tompon’ny farany akory isika. Misy Ilay Andriamanitra izay manana ny fahefana amin’ny fianantsika . Fantaro àry fa:
1-Mitera-doza ny tsy fihainoana an’ Andriamanitra
Ny sabatra sy ny mosary ary ny areti-mandringana no ho anjaran’ireo vahoaka mbola tavela any Jerosalema , noho ny tsy fihainoany ny hafatry ny mpaminany izay nananatra azy ireo noho ny haratsiany , dia ny nahafoizany an’i Jehovah sy ny nanompoany sampy . Nisahirana mihitsy Andriamanitra nananatra azy ireo , raha lazainy fa nifoha maraina Izy (and19) . Manàna fanahin’ny fankatoavana(Jao 12.48).
2-Iharan-doza ny mpanompo manaotao foana:
Naminany lainga i Ahaba sy i Zedekia ka hovonoina (and21), nampitoky lainga i Semaia ka tsy hanan zanakalahy honina amin’ny firenena . Anatra ho an’ny mpitory Filazantsara rehetra izany . Andriamanitra tsy azo vazivaziana , fa izay afafy no hojinjana . Koa « aza dia samy ho mpampianatra be ihany ianareo , satria fantatrareo fa ho mafimafy kokoa no hitsarana ny mpampianatra (Jak 3.1).
« Raiso ny Tenin’ Andriamanitra » Boky faha-6