SAFIF / Alahady iombonana 2017 .
Mahery vavaka ny vavolombelona marina
Fidirana
Feonjavamaneno
Fiarahabana Apostolika :Rom 1.7
Fiderana : Sal 34.1-10
Hira Fifohazana 2
Vavaka
Sitrapon’ Andriamanitra : Lio 6.28;Efe 6.18; Sal 119.1,2
Hira Fifohazana 355.1
Fiaikenkeloka
Vavaka
Hira Fifohazana 357
Famelankeloka: Isa 43.1b-4; Sal 32.1-2
Hira Fifohazana 345
Fanekempinoana :Lah I
Feonjavamaneno fohy
Filazan-draharaha sy Hafatra
Rakitra
Hira Seham-pitaizana sy Antoko mpihira
Vavaka
Tenin’ Andriamanitra
Hira Fifohazana 83.1-3
Vavaka
Vakiteny
Hira Fifohazana 246.1,2
Toriteny
Feon-javamaneno
Vavaka fangatahana
Asa sy fampaherezana
Famaranana
Hira 427
Tsodrano
………………………………………………………………………………………………………………..
HAFATRA
Alahadin’ny SAFIF 2017 .
« Fa fahasoavana no namonjena anareo amin’ny finoana »
Ry Havana,
Hampitomboina ho anareo anie ny famindrampo sy ny fiadanana ary ny fitiavana . Ny Birao sy ny Tonian’ny Sampana Fifohazana Foibe dia faly miarahaba sy mamangy antsika rehetra isam-pitandremana . Miara-misaotra an’ Andriamanitra isika raha nitsingerina indray ny Alahady atokana hitondrana amam-bavaka ny Sampana Fifohazana . Isaoranay etoana isika rehetra nahatsiaro izany tamin’ny tain-dasa. Tsapanay tokoa araka izany ny fahombiazan’ny asa natao noho ny aminareo :
Vita soamantsara ny fampiofanana ireo Birao Sa.Fif-SP tany amin’ireo ivon-toerana efatra (Antsohihy , Moramanga, Fianarantsoa, Tsiroanomandidy) tamin’ny volana Mey
Tanteraka ihany koa ny Fihaonamben’ny seha-pitaizana izay natao ny 29-31 Aogositra 2017 tany Ambatolampy . Noho izany dia maniry izahay ny hampiharan’ireo Birao izay nampiofanina azy ireo . Sitrakay indrindra koa raha ampandraisina anjara mandritra ny fotoam-pifohazana rehetra , Fitandremana na Synodamparitany na Toby ireo seha-pitaizana efa misy .
Ankoatra ireo dia ho kasaina hatolotra amin’ity taona 2017 ity ny rihana ambony amin’ny trano eny Ivato, izay nataontsika ho tsangambaton’ny faha-35 Taonan’ny Sa.Fif-FJKM . Manentana ny Mpiandry sy ny Mpiomana mba havitrika amin’ny fandraisana anjara 1000 Ar isan’olona . Raisinay amim-pitiavana ihany koa ny tolo-tànana rehetra avy amintsika tsy ankanavaka .
Tsy vita hatreo anefa ny asa tokony ifampitondrantsika am-bavaka sy hifanohanana fa mbola hitohy izany . Koa mbola manantena antsika hanao ho zava-dehibe ny fiombonampo amin’izao Alahady atokana ho antsika Sa.Fif izao.
-Ento ambavaka ny Sampana sy ny tomponandraikitra rehetra
-Tohano ny asa any amin’ny Toby
-Miomàna hiatrika ny Fihaonamben’ny SaFif amin’ny taona 2018
(Faritany Toliara)
-Ny Compte Banquaire Sampana Fifohazana Foibe FJKM dia ny 01 036 190 1 020 072 (BNI Analakely)
-Ny Orange Money 032 64 869 74 / MVola 034 40 763 75 / Airtel Money 033 46 703 03
Mba hahalavorary izany rehetra izany dia entanina isika hanoana Rakitra ho fanohanana ny asan’ny SaFif -Foibe amin’ity Alahady ity . Isaorana antsika rehetra izay nanao ho zava-dehibe izany tamin’ny lasa . Ho aminareo anie ny fiadanan’ny Tompo .
« Ka aza menatra ny ho vavolombelon’ny Tompontsika » (2 Tim 1.8a)
Ny Filoha
RAKOTONDRAMANANA Arijaona
Ny Tonia
ROBSON Rado Lalaina Johary, Mpitandrina