Alahadin’ny SLK 2022

HAFATRA HO AN’NY

 SAMPANA LEHILAHY KRISTIANA

“Miorena tsara aza miova, … ry lehilahy mahery”(I Kor. 15, 58; Mpits. 6, 12b)

Alahady 08 Mey 2022

Ho aminareo anie ny Fahasoavana sy ny Fiadanana avy amin’ilay Andriamanitra Ray sy Jesoa Kristy Tompontsika.

Misaotra an’Andriamanitra mandrakariva isika noho ny fitantanany ny fiainantsika ka ahatrarantsika indray izao Alahady fitrotroana ambavaka ny Sampana Lehilahy Kristiana manerana ny sahan’ny FJKM, ary misaotra an’Andriamanitra ihany koa isika noho ity taona ity izay hankalazaintsika an’Andriamanitra noho ny faha 40 taonan’ny SLK FJKM. Fa hoy ny Soratra Masina “Aoka hanapaka ao am-ponareo ny fiadanan’i Kristy, fa ho amin’izany no niantsoana anareo ho tena iray; aoka ho feno fisaorana ianareo.” Kol. 3, 15

Isaorantsika an’Andriamanitra ry rahalahy malala ao amin’ny Tompo fa vita soamantsara ny fitokanana ny Ivotoeran’ny SLK Foibe any Mahavelona Foulpointe ny talata faha 14 Desambra 2021 lasa teo sady nitondrantsika SLK izay vitantsika ny amin’ny fampitaovana ny Ivotoerana. Nandritra izany fotoana izany koa no nanantanterahana ny Komity Foibe izay nankatoavana ny tetikasa sy tetiandron’ny SLK foibe amin’ity taona 2022 ity.

Araka izany ry rahalahy malala dia ao anatin’izao fotoam-pankalazana an’Andriamanitra izao dia misy ireo ezaka izay tanterahintsika ho tsangambaton’izany fankalazana izany dia

• Famoahana Boky ho fitaizana ny Lehilahy Kristiana,
• Fananganana ny Zatovolahy Kristiana isam-pitandremana,
• Fampitaovana tanteraka ny ivotoerana SLK any Foulpointe
• Fanatsarana ny Birao fiasan’ny SLK sy ny Atelier Fanaovana mofo-pandraisana ao amin’ny Foibe FJKM
• FividiananaFiara tsy matahodalana (4X4) ho entina miasa.

Koa entanina isika rehetra samy hanao ezaka ho amin’izany tsangambato izany ho voninahitr’Andriamanitra irery ihany. Fa hoy ny Soratra Masina “Ary Andriamanitra mahay mampitombo ny fahasoavana rehetra aminareo, mba hanananareo no onony rehetra mandrakariva amin’ny zavatra rehetra, ka hitombo amin’ny asa tsara rehetra.” II Kor. 9, 8

 “Manavao ny Fanahy Masina”. Izany raha teo no lohahevitra amin’ity volana May ity. Ny Fanahy Masina no manavao antsika ka mitondra ho any amin’ny fihavaozana eo amin’ny fomba fanao, fiteny, fihetsika ary koahery manosika antsika handrotsaka ny rakitra sy hanefa adidy aty amin’ny SLK Foibe ary hahatsiaro mandrakariva fa isika “na dia maro aza dia tena iray ihany ao amin’i Kristy, ary samy miara-momba ny tena isika rehetra” Rom. 12, 5

Farany, raha sitrapon’ny Tompo dia hatao any Taolagnaro/Fort Dauphin SP 07 Ambovombe Atsimo Kristy Ranovelona,ny 26-28 Aogositra 2022ny Fihaonambe ny Sampana Lehilahy Kristiana. Hisy tafika Masina hataontsika amin’ny lalam-pirenena faha-7 sy ny lalam-pirenena faha 13 mandritra ny dia ho any amin’ny fihaonambe.

Koa dia manantena ny fitrotrona am-bavaka ny asa rehetra izay sahan’ny Foibe F.J.K.M. sy ny Sampana Lehilahy Kristiana Foibe amin’ity 2022 ho voninahitr’Andriamanitra irery ihany.

Manao veloma amin’ny Anaran’ny Tompo Jesoa.

Ny Filoha                                                                  Ny Tonia

RAKOTOHERISOA Benjamin Désiré                    RAMIANDRANIRINA Nahitantsoa Avotra,Mpitandrina

……………………………………………………………………………………………………………………………………………………………………………………..

Fandaharana iombonana

Alahady 08 Mey 2022

“Manavao ny Fanahy Masina”

HIRA :Mijoro ny lehilahy

1. Fiarahabana Apostolika
2. Fisaorana sy fiderana
3. Sal. 108, 1-6
4. Hira 351^{1, 3}
5. Vavaka fiderana
6. Fanambarana sy Sitrapon’Andriamanitra
7. Rom. 8, 5-7 “Sambatra ny mahitsy lalana …”
8. Hira 643^1,2
9. Fiaiken-keloka
10. 383^{1, 3}
11. Famelan-keloka atolotr’Andriamanitra
12. Jer. 31, 3; Zak. 3, 4; II Kor. 5, 21 “Sambatra ny olona izay voavela ny helony…”
13. Hira 487^{1, 5}
14. Fanambarana ny finoan’ny Fiangonana
15. Fanekem-pinoana laharana faha II
16. Asan’ny Fiangonana
17. Raharaham-piangonana
18. Rakitra
19. Fanolorana ny  Hira 4⁴
20. Tenin’Andriamanitra
21. Fotoana ho an’ny ankizy sy ny tanora
22. Hira 213^1,2
23. Vavaka
24. Famakiana Soratra Masina
    1. Deo. 34, 5-12
    1. Jao. 7, 37-44
    1. Asa 19, 1-7
25. Hira 164¹
26. Toriteny
27. Feon-javamaneno
28. Vavaka fangatahana
29. Asa vavolombelona
30. Famaranana
31. Hira 701^{1, 2}
32. Tso-drano II Kor. 13, 14
33. Vavaka mangina

« Amin’ny Anaran’ny Ray sy ny Zanaka ary ny Fanahy Masina. Amen. »

……………………………………………………………………………………………………………………………………………………………………………………….

Toriteny

Alahady 08 May 2022

Teny re matetika ny hoe mihavao sy fihavaozana, ary amin’ny maha fiangonana protestanta antsika dia mivoy ilay fotokevitra hoe ny fiangonana nohavaozina dia mihavao mandrakariva. Izany fihavaozana izany anefa dia mifanohitra amin’ny lalan’ny natiora satria ny zavatra iray dia amin’ny voalohany ihany no vaovao fa mihatonta tsikelikely izany ao aoriana. Inona ary no antoka hahatonga antsika hihavao araka ny lohahevitra izay banjinintsika dia ny hoe manavao ny Fanahy Masina. Koa amin’izao alahadin’ny SLK izao dia andeha ny Jao. 7, 37-44 no hakantsika ny hafatra ka I « Jesoa ilay Mpanavao » dia

• Mitaona ny olona hanatona Azy
• Mitaona ny olona hino Azy

1. Dia mitaona ny olona hanatona Azy (and 37)

« Raha misy olona Mangetaheta, aoka izy hanatona Ahy ka hisotro. » Jao. 7, 37 anisan’ny miantoka ny fiainan’ny zanak’olombelona ny rano ary rehefa tsy misy ny rano dia mijaly ny olona, misy mihintsy aza ny fitenenana hoe « aina ny rano ». Jesoa eto dia mandray ohatra ny amin’ny rano mba anehoany fa isan’ny filana fototra eo amin’ny fiainan’ny olombelona izany. Ary tsy afa-misaraka amin’ny olombelona mihintsy. Fa izay tian’i Jesoa hambara kosa dia ny amin’ny filana ara-panahy eo amin’ny olona ka hanatonana an’i Jesoa Kristy mba hanomezany ny Fanahy Masina dia ilay filana fototra amin’ny fanarahan-dia an’i Jesoa. Azo ambara mantsy fa eo anatrehan’ny hafanana mahamay sy ny tany karakaina dia mampijaly ny olona ny hetaheta ary mahafaty azy amin’ny fijaliana mafy. Hita taratra izany fijaliana izany teo amin’ireo Zanak’Israely izay nimonomonona tamin’ny Mosesy noho ny Tsy fisiandrano Tany an’efitra. Nila ady tamin’ny Mosesy mihintsy ny olona Eks. 17. Izany no manambara fa tena ilaina ny rano. Eto anefa Jesoa dia miantso ny olona hanatona azy dia izay mangetaheta ara-panahy. Taominy ny olona hanatona Azy satria ao Aminy no misy ilay rano velona tsy maty avy ao anaty. Hoy mantsy Jesoa : « aoka izy hanatona ahy ka hisotro. » Vahaolana maharitra sy mitoetra no atolotr’i Jesoa eto ho an’izay manatona Azy.

Eo anatrehan’ny olana maro samihafa izay miseho eo amintsika indrindra isika lehilahy Kristiana, indraindray toa mahavery fanahy mbola velona, mety hitondra any amin’ny fahadisoam-panantenana lalina. Ity tranga hitantsika eto amin’ity Jao. 7, 37-44 dia maneho fa olana goavana sy sarobahana ny tsy fisiandrano raha ny fiainana no jerena kanefa dia Jesoa Kristy no vahaolana feno ho antsika. Vahaolana tsy mba mandalo na miserana no atolony fa vahaolana maharitra sy mitoetra toy izay hitantsika eto. Ary tsy kobaka ambava na vonjy tavan’andro fa tena avy amin’Andriamanitra ka omeny ho an’izay rehetra manatona azy amin’ny fotoana rehetra hoy mantsy Jesoa : « Izay rehetra omen’ny raiko ahy no hanatona ahy ; ary izay manatona ahydia tsy mba ho laviko mihintsy » Jao.6, 37

2. Mitaona ny olona hino azy (and. 38)

Ny finoana an’i Jesoa no zava-dehibe asehon’ireo sary roa teo aloha dia ny “manatona Azy sy misotro”. Ny fidirana, amin’ny alalan’ny finoana velona ao amin’ny fo, ao amin’ny fiombonana akaiky amin’i Jesoa, no hany fomba hampiharana ny haren’ny fahasoavana sy ny fiainana ary ny fitiavana izay loharano nipoiran’izany. Eto dia asehon’i Jesoa amin’ny fomba hafa ny soa azon’izay mino azy « hisy onin’ny ranovelona hiboiboika avy ao ankibony »  Izany hoe, ny Fanahy Masina izay horaisin’ny mino dia ny Fanahin’ny fahazavana sy ny fiainana, dia ho ao anatiny sy ao am-pony, ary ho hita taratra ety ivelany, izany no sary asehon’ny ony izay mamoaka ny loharano ao anatiny ka manondraka sy mamelona ny hafa noho ny habetsahan’ny rano avoakany ary tsy mety ritra. Tonga tafaray amin’i Kristy izy, ary tonga tahaka an’i Kristy koa eo anatrehan’ny hafa, ka vatolampy iposahan’ny ranovelona tahaka izay hita ao amin’ny Eksodosy 17.6; Nomery 20.11. Manamafy izany fotokevitra hazavain’i Jesoa izany ny hitantsika ao amin’ny Jao.4, 14 dia ny amin’izay mangetaheta famonjena andaniny eo koa anefa ny amin’ny fanomezan’i Jesoa ny ranovelona izay miboiboika ao anatiny dia ny fiainana mandrakizay.

Eo anatrehan’ny fielezan’ny karazam-pivavahana maro eto amintsika ankehitriny, eo koa ny fihenan-danjan’ny finoana dia miantso ny olona Jesoa mba tena hino sy hametraka ny fiainana ao Aminy. Mandrakariva dia saika ao anatin’ny olana sarobahana ny olona no mitady famonjena sy fampaherezana  tsarovy fa Jesoa no vahaolona tsara indrindra dia ny fandraisana azy amin’ny fo saina fanahy. Matetika maro ny olona no manaiky an’i Jesoa ho Tompo sy mpamonjy ny fiainana fa saika eo ambava fotsiny fa tsy ao anatin’ny fo. Maro koa isika lehilahy no tsy mba mety mino an’i Jesoa fa mihevitra ny tenantsika ho matanjaka sy mahery ka tsy mila fanampiana avy amin’Andriamanitra. Tsarovy anefa fa ny fandraisana an’i Jesoa ho ivon’ny Fiainana dia mitondra antsika ho fahazavana sy fanasina eo anivon’izao tontolo izao andaniny ary ankilany kosa dia antoka iray lehibe ahazoana ny fiainana mandrakizay. Fa hoy ny Soratra Masina « Efa tonga ny fotoana ka efa akaiky ny fanjakan’Andriamanitra ; mibebaha ianareo ka minoa ny Filazantsara. »Mar. 1, 15

Fehiny

• Manatona an’i Jesoa Kristy ilay hanome anao rano velona izay miboiboika ao anaty.
• Minoa an’i Jesoa ilay miantoka ny fahavelomanao sy ny fahaveloman’ny hafa mba ho lehilahy mahery amin’ny finoana sy ny asa ka ho tena fahazavan’izao tontolo izao anie isika lehilahy Kristiana

Ho an’Andriamanitra irery ny voninahitra

Tonia SLK Foibe FJKM

RAMIANDRANIRINA Nahitantsoa Avotra,Mpitandrina

……………………………………………………………………………………………………………………………………………………………………………………………………….

RAKITRA SY ADIDY

Toy izao ireo fiangonana Fitandremana ry synodamparitany sy fikambanana sy olona nanao fampitaovana ny Ivotoerana SLK Any Foulpointe

HIRA FANEVAN’NY SAMPANA LEHILAHY KRISTIANA

MIJORO NY LEHILAHY

Dô dia FA     4/4   Mientanentana                  Tonony sy ny Feony : Mandimby

          Mitandrozo ANDRIAMASY

 : s,   d :s,.d !m :d   s : – ! s : l.l   s : m.m ! m : r.d    m : –  ! r  : s,  d : s,.d ! m : d    s :- ! s : l.l

 : s,   d :s,.d !m :d   d : -!d  :d.d  d : d. d  ! d  : d.l,   d  : l,  ! t, : s,  d : s,.d ! m : d   d :- ! d :d.d

: s,   d :s,.d! m:d   m:- !m : f.f  m : s. s  !  l  : fi.fi   m :fi  ! s  :s,  d : s,.d !  m : d   m:- ! m:f.f

: s,   d :s,.d!m :d   d :- !d  : d.d  d : d.t,  !  l, : r. r    s,  : l, ! t, : s,  d : s,.d ! m :  d   d :- ! d :f.f

Mi  -joro ny lehi –la    hy  Hana tratrany za vakendre –   na   te-na vono-na    sy sa  -hyhampi-

s  :d. d  !d :t,.t,    d :- !d :s,.s,    r :    !   : s,.s,    m  : –     ! – : d.d     s   : f  !m : r   m : – ! –  : s,.s,   

le hi   lahy       lehi    lahy                                                               lehi

d  :l, .l, !s, :s,.s,   s, :-!s, :           :t,.t!t,  :   –           :d. d  ! d : s.s     m  : r  ! d  : t,  d  : –  ! – :

m :r .r  !m :r. f    m :-!m:           :f.f:!f   :   –          :s. s   !  s : m.m   t   : l  ! s  : f    s  : –  ! – :

 s  :fi.fi !s,  :s,.s,  d  :- !d :           :r.r:!r  :   –          :m.m ! m :m.m   t   : l  ! s    f    s  : –  ! –  :                                                                                 

:s,.s!s,  :   –         :d. d   ! d : d.d    s,  : s,!  s, : s,   d : –  ! –  :

a –natra  ny fire –ne –na            lehilahy               lehi  – lahy tena  mpianatr’i Kristy  

r :      !    : s,.s,     m  : –     ! –  : d.d      s   : f  !m : r     d : –  ! –  : – 

lahy          lehi    lahy 

:t,.t ! t, :   –            :d. d  ! d : s.s       m : r   ! d  :  t,     d  : -! –  : –

:f.f  ! f  :   –           :s. s   !  s :m.m     t   : l   ! s   : f      s  : -! – : –

:r.r  ! r :   –            :m.m ! m :m.m    t   : l   ! s   : f      s   : -! –  : – 

:s,.s! s,:   –            :d. d  ! d : d.d      s,  : s   ! s, : s,     d  : – ! – :-

lehilahy                lehilahy   tena  mpiana tr’I  Kristy

    1. Mijoro ny lehilahy                                                               2. Mitaona ny lehilahy

Hanatratra ny zava-kendrena;                                                Ho an’Andriamanitra re

Tena vonona sy sahy                                                               Fitaratra amin’ny asa;

       Hampianatra ny firenena                                                        Fitaratra amin’ny teny

  3. Mampandroso ny fiangonana,                                           Fiverenana :

     Amin’ny lafiny rehetra

     Mandray andraikitra koa,                                                  Lehilahy, lehilahy

    N’aiza n’aiza tsy hisy fetra                                                 Tena mpianatr’I Kristy (in.2)                

Misaotra ary manentana hatrany antsika amin’ny fandrotsahana ny rakitra atao amin’izao fotoana hitrotroana am-bavaka ny SLK Foibe izao, izay naraikitra amin’ity fandaharana Iombonana ity ny nandrotsaka izany nanomboka ny volana Martsa 2021 ka hatramin’ny volana Martsa 2022. Raha misy ny mety ho latsaka na tsy voasoratra dia iangaviana am-pitiavana mba hanatona ny Foibe FJKM varavarana 501 na hiantso ny laharana 0342088311/0332088311 (Tonia).

Azontsika atao ny mandrotsaka mivantana ny rakitra aty amin’ny Foibe FJKM varavarana 501, na koa arotraka amin’ny kaonty Sampana Lehilahy Kristiana BNI Analakely N°: 00005 00001 11349120200 71, na koa arotsaka amin’ny kaonty M-Vola 034 22 370 64 (Ramiandranirina Nahitantsoa Avotra).

Fanamarihana:

Ho antsika izay Mandrotsaka rakitra any amin’ny Banky dia aoka ny anaram-piangonana miampy ny laharan’ny Synodamparitany no hosoratana.

An’ Andriamanitra irery ny Voninahitra .