SAFIF/FJKM Tsimafana

SAMPANA FIFOHAZANA FOIBE FJKM
Nitokana ny Fiangonana Tsimafana SP 36

FJKM TSIMAFANA


« Mifohaza tsara, miorena tsara, aza miova, ary mahefà be mandrakariva amin’ny asan’ny Tompo » (Ikor.
15 : 34a – 58)
Ny Sampana Fifohazana FJKM dia mandray anjara mavitrika amin’ny Ezaka Vontosy Filazantsara ny Nosy Madagasikara. Iray tamin’ireo Kaominina tsy mbola misy FJKM tamin’izany andro izany ny tao Tsimafana izay noraisin’ny Sampana Fifohazana FJKM an-tànana ny fanorenana ny Fiangonana. Isaorana ny ezaka nifarimbonan’ny rehetra ka nahatontosa antsakany sy andavany ny fananganana ny FJKM Tsimafana
miaraka amin’ny fanaka rehetra ao anatiny any amin’ny Synodamparitany Fahazavan’Atsimo Andrefana.
Notontosaina tamin’ny Talata 05 Aprily 2022 lasa teo ny fitokanana an’izany. Tonga nitarika an’izany fitokanana izany ny Filohan’ny FJKM, Dr IRAKO ANDRIAMAHAZOSOA Ammi, Mpitandrina, sy Atoa ROBSON RADO Lalaina Johary, Mpitandrina, Tonian’ny Departemantan’ny Fiangonana. Teo ihany koa ny Filoha sy ny Birao ary ny Tonian’ny Sampana Fifohazana FJKM.

Isaorana manokana ihany koa ny Filoha sy ny Biraon’ny Synodamparitany Fahazavan’Atsimo Andrefana, ny Mpitandrina sy ny Fiangonana FJKM Belo sur Tsiribihina, ny Mpitandrina sy ny Fiangonana Mahagaga Morondava, ny Mpitandro filaminana izay niara-niombona sy nanolorana an’izany. Ankasitrahana ireo solontena marobe na ny tany an-toerana na ny avy lavitra tonga nanome voninahitra an’Andriamanitra tamin’izany fotoan-dehibe izany.


SOLI DEO GLORIA !
Ny SaFiF Foibe

Perikopa 2022/2023

Desambra: An'NY TOMPO ny fanjakana

| | 11. Advento III - Sampana Sekoly Alahady
Dan 7:13-28 / Lio 19:11-28 / Apo 11:15-19

| | 18. Advento IV
Mik 5:1-5 / Lio 12:32-40 / 1Kor 15:24-28

| | 25. Krismasy - Fiantsoana SeFaLa
Isa 9:1-6 / Lio 1:26-33 / Apo 12:1-6

FJKM Fahazavana

amin’ny teny Anglisy