Sabotsy 11 Septambra 2021

MATIO 28.16-20

Nanao izay nihaonana tamin’ny mpianany 11 lahy i Jesoa rehefa nitsangana tamin’ny maty .Tsy toy ny fihaonana hatramin’izay anefa izany fa ho fanomanana azy ireo hanao iraka kosa. Hoy i Jesoa : «  Efa nomena Ahy ny fahefana rehetra any an-danitra sy ety an-tany . Koa mandehana ianareo dia ataovy mpianatra ny firenena rehetra  »

1-Mandehana ianareo

i Jesoa manam-pahefana dia mandidy ny hanatanterahan’ny mpianatra iraka mazava . Tsy miangavy Izy amin’izany , tsy mampisafidy koa fa mandidy mihitsy , izany hoe : tsy maintsy ataon’ny mpianatra ilay iraka . Raha atao ho isan’ny mpianatr’i Jesoa àry ny kristiana rehetra ,ny fiangonana dia tsy maintsy manao izany koa izy ireo .

2-Ataovy mpianatra ny firenena rehetra

Mazava tsara ny zavatra hanirahan’i Jesoa azy ireo dia ny hiasa mba hahatonga ny firenena rehetra ho mpianatra , izany hoe : ho mpanara-dia Azy , ho mpino Azy ,ho mpivavaka Aminy ,hanaiky sy hankato Azy ary koa hiaina ao anatin’ny fanekeny .Amin’ny teny hafa , ireto iraka dia tsy hanavaka na iza na iza fa hiasa hahatonga ny firenena rehetra na ny olona rehetra ho ao amin’i Jesoa avokoa . Ny fomba nolazain’i Jesoa hanatanterahana izany moa dia ny :

– Fanaovana batisa amin’ny Anarany

-Fampianarana ny olona izay rehetra tokony hotandremany amin’izany maha-mpanara-dia azy izany . Marihana fa tsy ilay fampianarana ataon’ny fiangonana mialohan’ny fanaovam-batisa ihany akory no lazaina amin’izany fa ny fampitana izany ho fiainana ho an’ny kristiana mihitsy .

Fanontaniana :

Iza avy no irak’i Jesoa ? Iza no asainy atao batisa ? Ilaina ve ny fampianarana amin’ny fiainana maha-kristiana?

Sampana Sekoly Alahady FOIBE FJKM

Perikopa 2021

Septambra: MIORENA AO AMIN'NY TOMPO AMIN'NY BATISA

| | 19. Ala. XVI man. Trinite
Nom. 8. 5 - 12/ Mat.3 .5- 12/ Asa. 8. 34 - 40

| | 26. Ala. XVII man. Trinite - Sampana F.F.P
Nom. 31 . 21 - 24/ Lio. 12. 49- 53/ 1Kor 10. 1 - 5

Oktobra: MIORENA AO AMIN'NY TOMPO AMIN'NY FANASANY

| | 03. Ala. XVIII man. Trinite
Eks. 12 .21 - 29 / Lio. 22. 7- 20/ 1Kor. 11. 23 - 34

| | 10. Ala. XIX man. Trinite - Radio Protestanta FFPM
2Tan. 30. 13- 20/ Mat.26. 26- 29/ Asa. 2. 41 - 47

FJKM Fahazavana

FJKM ANKADIKELY ILAFY