Perikopa Febroary 2020
Mahatoky ny teny vavolombelon’ny Tompo
Mandritr’ity volana febroary ity, ny Fiangonana dia miara-mivoy ny Soratra Masina maneho ny lohahevitra hoe: “mahatoky ny teny vavolombelon’ny Tompo”. Amin’izany, ireto hevitra telo aseho amin’ny fafana ireto no farafahakelin’ny tokony ho hitan’ny mpamaky manatratra ny lohahevitra:
| Perikopa | Miteny ny Tompo hoe: | Mahatoky ny teniny Tompo ka | Manambara Azy Tompo ny teniny satria |
| 2 Tantara 23, 1- 11 | Hanjaka eo amin’ny olona Izy amin’ny alalan’ny Mpanompo apetrany (mpanjaka mandimby) | Izay ataon’ny olona eo anatrehany (ao amin’ny Tempoly) dia Izy no antom-pisiany | Tsy miova Andriamanitra ka ny fanekena nataony dia tanterahiny amin’ny olony eo amin’izay fanekena ataony. |
| Matio 7, 24- 29 | Natao horenesina sy ankatoavina ny tenin’ny Tompo (and. 24) | Maha-marin-toerana ny fiainan’izay mankato ny teniny (trano tsy ravan’ny riaka sy ny rivotra) | Teny feno fahefana (and. 29) |
| Asan’ny Apostoly 20, 32- 35 | Mahasambatra kokoa ny manome noho ny mandray (and. 35) | Mampandray andraikitra ny mpanompony tsy hiantehatra amin’ny hafa fa amin’Izy Tompo (and. 33- 34) | Izy no Tompon’ny fahasoavana, fandrosoana, lova (fiainana mandrakizay) (and. 32) |
| Salamo 19, 7- 11 | Miseho amin’ireto endrika ireto ny Teniny: lalàna, didy, fitsipika, | Miako eo amin’ny olona mandray azy ny tenin’ny Tompo. Mitondra fahazavana ho an’izay mandray azy ny teniny. | Tsy misy tsiny toa Azy Andriamanitra ny teniny. |
| Lioka 5, 1- 7 | Ilaina ny mandroso hatrany. Araho ny baikony (and. 4) | Tsy mandiso fanantenana ireo olona maniry hihaino Azy (and. 1) Mitaky fankatoavana mba hitondra fahombiazana. | Izy no loharanon-karena ka mampahomby ny mpianatra efa kivy. |
| 1 Petera 1, 22- 25 | Ny Teniny dia velona sy maharitra(and.23) | Manefy ny olona mandray ny teniny hanana ny tena fitiavana | Ny tenin’ny Tompo dia maharitra mandrakizay toa Azy Andriamanitra izay maharitra mandrakizay (and. 25) |
Ho an’Andriamanitra irery ihany anie ny voninahitra
Foibe JKM
