Alakamisy 21 Novambra 2019.

Fandalinana ny Boky JEREMIA

Jeremia 40.1-10

Toy ny voafatotra i Joda fa tsy toy izany kosa i Jeremia.

1-Nafahana tamin’ny fatorany i Jeremia .

Nitodika manokana tamin’i Jeremia ny lehiben’ny miaramila Babyloniana. Fantany tsara fa i Jeremia no nanao faminaniana momba ny hitondrana ny Joda ho babo noho ny fahotany . Koa nomena safidy manokana izy handeha amin’izay làlana tiany , na hiaraka amin’ny babo any Babylona na hijanona eo an-tanindrazany . Tsarovy fa ny fahatongavan’ Andriamanitra dia fahapotehana ho an’izay tsy mino Azy , fa tena famonjena ho an’ny olony kosa.

2-Indro eo anoloan’i Jeremia ny tany rehetra.

Ny mpitari-tafika Babyloniana mihitsy no miteny izany , izay milaza fa manan-tsafidy amin’izay tiany haleha i Jeremia . Ahatsiarovana ny tenin’i Abrahama tamin’i Lota izany teny izany rehefa tsy maintsy hisara-dàlana izy ireo (Gen 13.9). Nisafidy ny hitoetra any Mizpa , tanàna kely 13 Km miala an’i Jerosalema izy , izay nisy an’i Gedalia mpitondra vaovao sy ny vahoaka sisa tsy nobaboina . Olona afaka ihany koa isika , saingy aoka ny fahafahantsika mba tsy ho entintsika hanaranampo amin’ny nofo , fa hanompoantsika an’ Andriamanitra(Gal 5.13).

« Raiso ny Tenin’ Andriamanitra » Boky faha-6