Alatsinainy 22 Jolay 2019.
Fandalinana ny Boky ROMANA
Romana 8.12-21
Fiombonana aina amin’i Kristy ny fetezana hotarihan’ny Fanahy Masina .
Ny lalàn’ny fanahin’ aina no mahavelona
Tsy misy afa-tsy ny asan’ny Fanahy Masina ihany no ahafahana mamono ny asan’ny nofo mba tsy handevozin’ny fiainam-pahotana isika (and12-13). Manamarina ny maha- zanak’ Andriamanitra antsika ny Fanahy Masina. Tsy ny hamonjy ihany fa ny hanangana antsika ho tonga zanak’ Andriamanitra tokoa sy mpiray lova amin’i Kristy (and15) no asan’ny Fanahy Masina . Izy no mampahatoky ny fanahintsika izany sata maha-zanak’ Andriamanitra izany raha tojo fisalasalana isika. Ny fanafahana rahatrizay ny zavaboahary rehetra. Na dia mbola tsy tonga amin’ny fahafenoany aza ny asam-panavotana ary mitaraina sy miandry ny famotsorana azy amin’ny ota aza ny voahary rehetra , raha miara-miaritra miaraka amin’i Kristy isika amin’ny fanangolen’ny ota, dia azo antoka fa tena hiara- mandova Aminy ny voninahitra rahatrizay (and21).
« Raiso ny Tenin’ Andriamanitra » Boky faha-8