SP Boina vaovao/ Fivoriambe

NANATANTERAKA NY FIVORIAM-BE VOALOHANY

Notanterahina tao Mahajanga ny fivoriam-be I ny Synodamparitany Boina Vaovao ny 17-18-19 May 2019 izay notanterahina tao amin’ny FJKM Mahajanga Boina Vaovao.

Nisy ny vela-kevitra sy fampianarana nataon’ny Prezida Synodaly sy ireo Mpitandrina , izay mifantoka amin’ny lohahevitra hoe « Fadio ny fanao ratsy rehetra ». Maro ireo  kristiana nanatrika izany avy  amin’ny faritra 4 ao anatin’ny SP BOINA Vaovao : Toy ny faritra Mahajanga, Mitsinjo, Marovoay, Ambato Boeny. Ny Zoma atoandro no fanokafana, ny hariva dia fampisehoana nataon’ny tarika Christophe Ratrema ho fanohanana ny Jobily faha-25 taonan’ny Prezida Synodaly Atoa RAKOTOMALALA Jean Olivier. Ny Sabotsy kosa dia nisy ny fankasitrahana an’Atoa Barson Claude RAFELANA, Mpitandrina mivady noho ny nitantanany ny SEFALA-SP tao anatin’ny 15 taona sy Atoa Toris Paul, Katesista Delege noho ny naha Katekista .Delege sy nisahanany ny maha mpandinibolan’ny Synodamparitany azy.

Ny alahady  kosa dia famaranana ka fotoam-pivavahana tao amin’ny Stade Complexe Sportive Mahajanga no nanaovana izany. Ny fiangonana rehetra tao an-tampon-tanànan’ i Mahajanga dia nikatona avokoa. Filaharam-be notarihan’ireo Mpitandrina sy Diakona ary ireo Mpianatra avy ao amin’ny Sekoly FJKM, niainga tao amin’ny Foiben’ny SP Mangarivotra no natao. Olo-manan-kaja maro no nanatrika izany toa an’ Atoa ANDRIAMAMONJISOA George, Filoha Mpanampy Laika Foibe sy ireo solontenam-panjakana toy ny Prefektioran’i Mahajanga. Nisy ny fandraisan-tanana ireo mpiasa vaovao teo anivon’ny SP, ny fanolorana certificat ireo katekista nivoaka tao amin’ny SEFALA, fanolorana Delegasiona Pastoraly ary ny fandraisan-tanana ireo Birao vaovaon’ny Sampana sy Sampanasa teo anivon’ny SP.

Ny fotoam-bavaka dia nofaranana tamin’ny fandraisana ny fanasan’ny Tompo sy ny sakafom-pifaliana tao amin’ny Lycée Ziona Vaovao.

Evariste RASOLOHERY