Alatsinainy 20 Mey 2019.
Fandalinana ny ASAN’NY APOSTOLY
Asan’ny Apostoly 4.23-37
Araka izay efa voalaza teo aloha dia tena zava-dehibe eo emin’ny fiainan’ny fiangonana ny fiombonana. Izany no anton’izao tatitra sy fampizarana ny zava-nanjo an’i Petera sy i Jaona izao (and23).
Tatitra ho amin’ny ainga vao
Ilaina eo amin’ny fiainam-piangonana ny tatitra . Ny tanjona dia ny hijerena ny fomba fiasa vaovao mba handrosoana bebe kokoa hatrany .
Ny fahaizana mijery ny tenin’ny faminaniana
Isan’ny antony nanosika ny Apostoly handroso hatrany ny fahalalany ny Soratra Masina milaza io tranga vao nolalovan’i Petera sy Jaona io (and 25,26) , ary hainy ny nampifandray ny fahatanterahan’izany amin’ny zava-nisy (and27).
Tolona am-bavaka no fitaovam-piadiana
Mizara ro miavaka tsara ny vontoatim-bavaka :
1-Natolotra eo an-tànan’ny Tompo ny fandrahonana nataon’ny fahavalo ny Apistoly (and29).
2-Nangataka hery sy fahaahiana no hiroso amin’ny fitoriana ny Filazantsaran’ny Famonjena (and 29). Ataovy tonga eo an-tànan’ny Tompo ny adinao fa Izy no hanamarina sy hampandresy anao.
« Raiso ny Tenin’ Andriamanitra » Boky faha- 8