Alahady 17 Martsa 2019.

Fandalinana ny Boky 1 Mpanjaka

1 Mpanjaka 13.20-34

Tohin’ilay tantara mampieritreritra omaly ity :

1-Tonga ny tenin’ny Tompo ho an’ilay mpaminany tsy mankato:

Mampalahelo fa voafitak’ilay noheveriny ho mpaminany marina ilay lehilahin’ Andriamanitra . Lehilahin’ Andriamanitra nanehoan’ny Tompo ny vininahiny izy teo anatrehan’ny mpanjaka , kanjo izao iharan’ny teny mafy avy aminn’y Tompo izao koa. Mitandrema isika fa mety hampiasa antsika ny Tompo , ary hahomby tokoa isika , kanefa ny tenantsika koa aza lavina . Ahoana ? hoy i Paoly . Vakio : 1 Kor 9.27

2-Tanteraka ilay didy fanamelohana ho faty .

Maty tamin’ny fomba mahatalanjona ilay lehilahin’ Andriamanitra : matin’ny liona izy dia nijanona teo amin’ny toerana nahafatesany ny boriky nitaingenany , ary nijanona teo anilany koa ilay liona , nefa tsy namiravira ilay boriky sady tsy namiravira ny fatin’ilay lehilahy. Dikany : fiasan’ny Tompo ihany ilay liona hanehoany ny fahefany . Ho antsika: raha mpaminany aza ataon’ny Tompo toy izany rehefa tsy mankato, ahoana kosa no mety hihatra amintsika raha miala Aminy? Ahoana koa hoy i Jesoa ? Vakio : Lioka 23.31. Sangy , na teo aza izany zava-maningana nitranga izany , nanova an’i Jeroboama ve izany ? Indrisy! tsia! (and33-4). Ary ianao , mba ahoana ?

« Raiso ny Tenin’ Andriamanitra » Boky faha-3