HAFATRA MAMRE FJKM
Misaotra an Andriamanitra izahay Masera ato amin’ny FIARAHAMIAINA AMIM-BAVAKA MAMRE F.J.K.M amin’ny antso izay iantsoany anay tsirairay sy ny fitantanany ny Fikambanana hatramin izao.
Faly misaotra ny Fiangonana F.J.K.M koa izahay amin’ny fanomezany anay ny alahady faha-3 n’ny volana Oktobra, itondrana amim-bavaka ny Masera sy ny fanokanan-tenany ary ireo asa fanompoana tanterahin’izy ireo.
Tianay ny mampahatsiahy anareo izay mahatsiaro ho voantso amin’ny fanokan-tena amin’ny vavaka ao anatin’ny fitovoana masina ho an’Andriamanitra sy fiarahana miaina.
Noho ny fahasoavan Andriamanitra dia efa misokatra ny ainga rantsana any Antsapanana Andasibe- Moramanga. Ao anatin’ny fanatanterahana ireo foto- drafi tr’asa izahay ankehitriny. Koa tsy misalasala izahay, mangataka vavaka avy aminareo hahatanteraka izany foto-drafitr’asa izany. Raisinay amim- pitiavana koa ireo tolo-kevitra na tolo-tánana avy aminareo hahatanteraka ny Tenin’ Andriamanitra manao hoe: « Aoka isika hifampandinika hampandroso ny fitiavana sy ny asa tsara » (Hebr. 10:24)
