Auteur/autrice : admin

Alahady 10 Martsa 2019.

Fandalinana ny Boky 1 Mpanjaka

1 Mpanjaka 10.14-29

éAry Solomona mpanjaka dia nanakarena sady hendry noho ny mpanjaka rehetra ambonin’ny tany  » (and23)

1-Ny harena nitobaka . Tsy hita intsony ny volamena , volafotsy , hazo sarobidy , ny ivoara…Tsarovy kosa fa ho antsika ny tsodrano hoe:  » Fa Andriamanitro hahatanteraka izay rehetra tokony ho anareo araka ny hareny amin’ny voninahitra ao amin’i Kristy Jesoa » (Fil 4.19).

2-Ny zava-kanto , fatratra! Ilay fiakarana ho eo amin’ny seza fiandrianana voaravaka lohan-diona dia tsy jisy toa aza (and 19-20). Toy izany koa ireo fanaka samihafa . Izao kosa no hafatra ho antsika : »na inona na inona marina , na inona na inona manan-kaja, na inona na inona mahitsy , na inona na inona madio , na inona na inona maha-te ho tia , na inona na inona tsara laza , raha misy hatsaram-panahy ary raha misy dera dia hevero izany (Fil 4.8).

3-Ny fitaovam-piadiana betsaka : Ampinga volamena efa ho 500 sy kalesy 1400 samy hary fomba no nananany. Fa isika kosa hafarana hoe: « Tafio avokoa ny fiadian’ Andriamanitra , mba hahazoanareo hifahatra amin’ny fanangolen’ny devoly » (Efes 6.11) . Fa mihoatra noho ireo , vakio ny and 24.

« Raiso ny Tenin’ Andriamanitra » Boky faha- 3

Sabotsy 09 Martsa 2019.

Fandalinana ny 1 Mpanjaka

1 Mpanjaka 10.1-13

Nampahatsiahivin’i Jesoa manokana ity tantara ity ao amin’ny Matio 12.42 ka ampianariny antsika fa:

1-Lehibe lavitra noho i Solomona i Jesoa . I Solomona dia nahatalanjona ka nahasintona ny mpanjakavavin’i Sheba ho tonga manatona azy . Ary isika , mba talanjona sy voasintona hanatona an’i Jesoa ve? Fa ambony lavitra noho i Solomona i Jesoa satria ny vokatry ny fanatonantsika Azy dia tsy ahazoam-pahalalana sy ahitam-pahagagana fotsiny , fa andraisam-pamonjena mandrakizay mihitsy .

2-Tokony ho mendrika ilay mpanjaka ny mpanompony. Ny toetoetran’ireo tandapan’i Solomona sy ny fitafiany , dia samy nahagaga ilay mpanjakavavy avokoa Ary isika , izay mpanompon’i Jesoa Ilay mpanjakan’ny mpanjaka , mba mendrika sy hitan’ny olona ho mendri-kaja mifanentana amin’ny voninahitr’i Jesoa ve?

3-Sambatra isika izay manana ny tenin’i Jesoa . Hoy ny and 8 : « sambatra lahy ny olonao , ary sambatra ireto tandapanao ireto , izay mijanona eto anatrehanao mandrakariva ka mandre ny fahendrenao «  . Ny tenin’i Jesoa dia mahasambatra lavitra , araka ny teniny tamin’ilay vehivavy niara-belona taminy hoe: « mainka sambatra aza ny mihaino ny Tenin’ Andriamanitra ka mitandrina izany » (Lio 11.28). Mba mivelona amin’izany mandrakariva ve ianao ?

« Raiso ny Tenin’ Andriamanitra » Boky faha-3

Zoma 08 Martsa 2019.

Fandalinana ny Boky 1 Mpanjaka

1 Mpanjaka 9.10-28

Lesona 3 indray no ianarantsika eto:

1-Tandremo sao manombina ny fahasoavana omena anao ho an’ny fahavalo ianao.Ny and 10-14 dia ahitantsika fa nanombia taminn’y tany Kanana omena an’i Hirama i Solomona . Fahadisoana lehibe izany :lova avy amin’ny Tompo ve dia omena ny Jentilisa ? Tandremo fa ny fivarotan’i Esao ny fizokiany dia tsy hainy navotana intsony , na dia nifona tamin-dranomaso aza izy (Heb 12.16-17). Fa saino koa na ny fampiasanao ny andro Alahady izay « Andron’ny Tompo » aza , omenao manontolo ny Tompo ve sa anombinanao hanaovana fivoriam-pianakaviana sy filamboly ka tsy andehanana mivavaka ?

2-Fehezo hanoa anao ireo fahavalon’ny fanahinao. Ny and 20-21 dia mendrika homarihana : tamin’ny andron’i Solomona vao voafehy hanompo azy avokoa ny mponina tao Kanana izay tsy naringan’ Israely; Dia toy izany koa ianao: fehezo ireo fahavalon’ny fanahinao fa aza avela ho izy indray no hanjakazaka aminao. Olon’ Andriamanitra ianao: »Aza avela ny ota hanjaka amin’ny tenanao » (Rom 6.12).

3-Manàna fitsipi-piainana amin’ny fanompoanao. Ny and 25 dia milaza ny fanaovan’i Solomona fanatitra in-3 isan-taona . Ianao ve mba mahafehy tena hanompo ara-potoana tsara ny Tompo toy izany , eo amin’ny fanaovana adidy . Ohatra sa baranahiny eny?

« Raiso ny Tenin’ Andriamanitra » Boky faha- 3

Alakamisy 07 Martsa 2019.

Fandalinana ny Boky 1 Mpanjaka

1 Mpanjaka 9.1-9

Taorian’ny vavaka nataon’i Solomona dia tonga ny valimbavaka. »Mpihaino vavaka  » tokoa manko ny Andriamanintsika (Sal 65.2) . Minoa izany dia mazotoa mivavaka . Inona avy àry no valitenin’ny Tompo ?

1- Fitsofan-drano ny trano natao (and3). Hoy ny Tompo :« Efa nohamasiniko ity trano nataonao ity mba hampitoerana ny anarako mandrakizay ary ho amin’ity mandrakariva ny masoko sy ny foko » . Fatratra izany ary ho tsapantsika amin’ny trano fiangonana rehetra anie izany .

2-Fanamafisina ny finoan’i Solomona (and4-5). Naverin’ny Tompo taminy indray izay takiny aminy : »hanao araka izay rehetra nandidiako anao ary hitandrina ny didiko sy ny fitsipiko« . Tsy misy finoana marina ivelan’ny fanarahana ny Tenin’ Andriamanitta sy ny fankatoavana izany . Fa raha mbola mitoetra amin’ny teniny isika dia mitoetra ao amin’ny fitahiana.

3-Fampitandremana ny amin’ny fivadihana (and 6-9). Amin’ny fomba mahitsy sy hentitra no anambaran’ny Tompo fa raha alaim-panahy hiala Aminy ny Israely dia hofongorany . Ary ny mampalahelo tsy latsaka noho izany , ity trano lehibe tsara be vao nitokanana ity horavan’ny Tompo ho fandatsan’ny jentilisa. Ny tohin’ny tantara indrisy dia nampiseho fa tsy nahatandrina izany izy ireo ka voa.

2-

Alarobia 06 Martsa 2019.

Fandalinana ny Boky 1 Mpanjaka

1 Mpanjaka 8.54-66

Ny famaranana ny fitokanana no hitantsika eto ka nanamarika izany :

1-Ny firavoravoana lehibe . Fiderana an’ Andriamanitra sy fifaliambe no atao 14 andro be izao . Eny! mendrika izany ny Tompo ary rariny raha mifaly ny vahoaka taorian’ny ezaka rehetra namitana ity trano lehibe ity. Faly no ravoravo ny fony noho ny soa rehetra nataon’i Jehovah » (and66)

2-Ny fifamatoram-pisiana amin’ny Tompo . Hoy ny and 57: « Jehovah Andriamanintsika anie no amintsika ? tahaka ny tamin’ny razantsika ? aoka tsy handao na hahafoy antsika izy » .Ary hoy kosa ny setriny eo amin’ny and61 : »Ary aoka ho marina amin’i Jehovah Andriamanintsika anie ny fonareo , handehananareo amin’ny didiny sy hitandremanareo ny lalàny  » . Tsy mahazo mandeha ila mantsy ny finoana , fa ny Tompo irina , tsy handao ary ny olona koa manaiky tsy handao , izay vao tafaraka tsara.

3-Ny fitoriana ny Anaran’ny Tompo . Hoy ny and 60 : » mba ho fantatry ny firenena rehetra ambonin’ny tany fa Jehovah no Andriamanitra fa tsy misy afa-tsy Izy ».Tsy azontsika adinoina mihitsy izany , ny antom-pisian’ny fiangonana dia ny hanao mpianatra ny firenena rehetra, araka ny baiko navelan’i Jesoa raha hiakatra any an-danitra Izy (Mat 28.19).

« Raiso ny Tenin’ Andriamanitra » Boky faha- 3

Talata 05 Martsa 2019.

Fandalinana ny Boky 1 Mpanjaka

1 Mpanjaka 8.41-53

Tohin’ny vavaka tamin’ny fitokanana ny tempoly no hitantsika eto :

1-Vavaka ho an’ny vahiny (and41-43). Tena filazantsara ho an’ny firenena antsoina hoe: jentilisa izany hoe: tsy Jiosy ity vavaka ity , fa manambara ny fahasoavan’ Andriamanitra ataony mahatratra ny firenena rehatra. Koa io tempoly io dia tsy ho an’ny Jiosy ihany fa ho an’ny olona rehetra. Ary sambatra isika fa i jesoa no tena tempoly ho antsika ankehitriny (Jao 2.21). Isika koa heniky ny famonjeny .

2-Vavaka fifonana indray (and44-53) . Marina fa tao anatin’ny fandriampahalemana tanteraka no nahavitan’ny tempoly. Fantatr’i Solomona anefa fatsy maintsy hisy ihany ady ary mety hisy loza koa aza ny fahababoana. Vavaka fangatahana famindrampo sy famelan-keloka ho an’ Israely momba izany no nataony. Ary moa tsy mampahatsiaro antsika ny vavaka nataon’i Jesoa koa ve izany ? F a hoy Izy mantsy an’i Petera: « indro satana efa nilofo nitady anareo hokororoiny toy ny vary , nefa izaho nangataka ho anao mba tsy ho levona ny finoanao » (Lio 22.31-32).

3-Vavaka miorina amin’ny fifidianan’ny Tompo . Izay manavaka ity
ampaham-bavaka ity dia noho izy mampahatsiahy ny fifidianan’ny Tompo manokana ny Israely (and51,53) « fa olonao sy lovanao izy » .Ary koa » Fa Ianao Jehovah Tompo ô no manavaka azy tamin’ny firenena rehetra  ambonin’ny tany ho lovanao ».

« Raiso ny Tenin’ Andriamanitra » Boky faha- 3

3vavaka miorina amin4ny fifidianan4ny tompo ; izay manavaka ity
ampaham6bavaka ity dia noho izy mampahatsiahy ny fifidianan4ny tompo manokana
ny israely 5and(&?(« °

3vavaka miorina amin4ny fifidianan4ny tompo ; izay manavaka ity
ampaham6bavaka ity dia noho izy mampahatsiahy ny fifidianan4ny tompo manokana
ny israely 5and(&?(« °

3vavaka miorina amin4ny fifidianan4ny tompo ; izay manavaka ity
ampaham6bavaka ity dia noho izy mampahatsiahy ny fifidianan4ny tompo manokana
ny israely 5and(&?(« °

MANOKANA NY iSRAELY 5AND(&?(« °

Alatsinainy 04 Martsa 2019.

Fandalinana ny Boky 1 Mpanjaka

1 Mpanjaka 8.22-40

Taorian’ny teny fitokanana dia nivavaka i Solomona :

1-Vavaka fampahatsiahivana (and22-26).

Naverin’i Solomona indray ireo teny fikasan’ny Tompo , toy ny nampahatsiahiviny Azy araka ny faminanian’Isaia aty aoriana hoe: « ianareo mpampahatsiaro an’i Jehovah , aza mangina » (Isa 62.6).

2-Vavaka ho an’ny trano natao( and 27-29) .

Izany no tena fanamasinana ilay trano ho fonenan’ny Anaran’ Andriamanitra , ka ny vavaka hataon’Israely dia hatao « manatrika » ity trano ity hanambarana ny fitodihana amin’Izy Tompo (and29).

3-Vavaka ho an’ Israely .Izany izao tapany voalohany amin’ny vavaka nataony izao , tahaka ny vavaka nataon’i Jesoa ihany raha nivavaka ho an’ny mpianany Izy aloha (Jao 17.6-19). Tena mila entina am-bavaka manko ny vahoakan’ Andriamanitra . Ary mariho fa ny mpanjaka no mivavaka ho an’ny fireneny eto . Lesona ho an’ny mpitondra rehetra izany .

4-Vavaka fifonana . Manintona ny saina ny mihaino ity vavak’i Solomona ity fa vavaka fifonana no tena mibahana ato : fangatahana famelankeloka ho an’Israely eo anoloan’ny zava-mafy mety hiseho , rehefa mivavaka , mifona ary « miala amin’ny fahotany » izy (and35)

« Raiso ny Tenin’ Andriamanitra » Boky faha-3

Alahady 03 Martsa 2019.

Fandalinana ny Boky 1 Mpanjaka

1 Mpanjaka 8.12-21

Ny teny fitokanana nataon’i Solomona hitantsika eto dia miorina amin’ny fototra 3 lehibe :

1-Ny teny fikasan’ Andriamanitra . Ny Tompo no nampanantena fa hanome zanaka an’i Davida handimby azy ary io zanany io no hanao ny trano ho Azy . Tanteraka izany tamin’ny nanomezany an’i Solomona sy izao fahavitan’ny tompoly izao . Izany fahatanterahan’ny teny fikasana izany dia manambara ny toetrany mahatoky . Ary ny lehibe indrindra dia ny nahatanterahany ny teniny taminn’y nanomezany antsika an’i Jesoa , ilay taranak’i Davida (2 tIM é;_°;

2- Ny fankatoavan’i Solomona. Nambarany mazava teto ny nanekeny hanatanteraka izay nambaran’ny Tompo. Ny sitrapon’ny Tompo no narahiny ka nankatoaviny . Io fanahin’ny fankatoavana io no fanalahidin’ny fahombiazany ka nahavitany izao asa lehibe izao, asa lehibe izay nankasitrahan’ny Tompo ary nasehony tamin’ilay rahona nameno ny trano izany .

3-Ny fifikirana amin’ny fanekena . Io fanekena io , izay marihan’ny fiaran’ny fanekena sy ny didy folo ao anatiny , toy ny làlam-panorenana mampifamatotra ny firenena Israely amin’ny Tompo . Ny fitehirizana azy dia fanehoana ny fifikirana Aminy , ka ny Tompo manaiky ho Andriamanitry ny Israely ary ny Israely kosa manaiky ho olony . Tano koa ny fanekenao .

« Raiso ny Tenin’ Andriamanitra » Boky faha- 3