Alarobia 05 Jona 2024

Matio 12.1-8

Arovan’ny Tompo amin’ny gejan’ny lalana ny olony

Amin’ny maha olombelona, dia noana ny mpianatra ka dia nioty salohim-bary tamin’ny andro sabata izy ireo. Voararan’ny lalana izany, ary fandraràna mafy tokoa satria mafy ny fitandremana ny sabata jiosy tamin’izany. Betsaka ny jiosy no nahatsiaro navesatra tamin’ny ziogan’ny lalana. Teto dia tratran’ny fariseo izay milaza azy ho mpivavaka be ny mpianatra. Avy hatrany dia nijoro Jesoa niady sy niaro ny mpianany satria tsy mety amin’i Jesoa raha ny mpianany no ampitondraina fahoriana amin’ny fitandremana ity lalana tsy misy indrafo ity, Izy rahateo tonga mba hitondra fahafahana ny olony amin’izany zava-mangeja izany.

Ry havana, mbola misy taranaky ny fariseo ara-panahy, tsy mba mpamindra fo mihintsy amin’izao fotoana izao, mampizioga ny olona amin’ny lalana, tsy mba manana fitiavana fa mikendry ny fampiharana ny lalana ho fanapotehana ny namany. Nefa amin’izany izy ireo, dia hita sy miseho mihintsy ho olon-kendry indrindra sy mpivavaka be aok’izany. Soa ihany fa eo Jesoa antenaina mba hamonjy amin’ireny. Hoy ny 1 Kor 13.3: « ary na dia omeko ho an’ny malahelo aza ny fananako rehetra, ary na dia atolotro hodorana aza ny tenako, kanefa tsy manana fitiavana aho, dia tsy mba mahasoa ahy akory izany« .

Ny famindram-po no sitraky ny Tompo ry havana, ary raha sendra tojo sarotra noho ny afitsoky ny lalana isika dia aza matahotra fa ao Jesoa miady ho antsika.

Fanontaniana

Efa nisy fotoana ve ianao mba niandry ny namanao ho solafaka mba hotatazan’ny lalan’ny fanjakana na ny lalàn’ny Fiangonana?

Sampana Sekoly Alahady Foibe

Perikopa 2024

Jona: MIARO NY OLONY NY TOMPO

| | 16. Ala. Ill man. Trinite
1Samoela 7. 2–14 | Marka 4. 35–41 | Asan'ny Apostoly 18.5–11

| | 23. Ala. IV man. Trinite – Sampana Vokovoko Manga
1Mpanjaka 16. 8–10 | Lioka 21. 34–36 | 1Tesaloniana 5. 4–11

| | 30. Ala. V man. Trinite
Isaia 43. 1–7 | Jaona 18. 1–11 | Joda 24–25

Jolay: MIARAHA MANDEHA AMIN’NY TOMPO ANDRIAMANITRAO

| | 07. Ala. VI man. Trinite
Salamo 68. 7–14 | Jaona 8. 12–19 | Kolosiana 1. 9–14

FJKM Fahazavana

FJKM ANTANAMBAO FAHAZAVANA AMBOHIMANGAKELY (SPAA12)