Alatsinainy 05 Febroary 2024

Galatiana 5. 13-15

Fitandremana ny didy, mariky ny maha olon’afaka

Mitarika ny sain’ny mpino Kristiana eto i Paoly Apostoly fa miavaka ny fiainan’ny olona nandray ny fanafahana, nandray ny fanavotan’i Jesoa Kristy. Antso miteraka andraikitra miavaka ny fanafahana.

1-Mifanompo amin’ny fitiavana

Nisy sokajin’olona tao amin’ny fiangonana mbola nitazona ny famorana araka ny lalàna jiosy. Niteraka olana teo amin’ny fifandraisan’ny mpino izany. Mitaona ny mpino araka izany i Paoly Apostoly fa efa tanteraka tao amin’i Jesoa Kristy ny fanafahana, ny fanavotana ny olona. Tontolo vaovao no misy ny mpino, tsy miresaka ny amin’ny famorana intsony (and.3). Miavaka ny fanafahana voarain’ny mpino: fanafahana mampiombona, mampiray noho ny asan’ny Fanahy Masina.

2- Mampirindra ny fifandraisana

Mitarika ny mpino hahatsiaro ny didim-pitiavana nomen’Andriamanitra hatrany i Paoly Apostoly: «tiava ny namanao tahaka ny tenana». Ny olon’afaka manana ny Fanahy Masina miasa ao anatiny dia mahay mitia, mahay miaina ny fifankatiavana. Rehefa omena toerana ny fifankatiavana eo amin’ny mpino Kristiana dia ho rava ny fifandrafiana, ny fifandirana. Mirindra sy milamina tsara ny fifandraisana. Miavaka ny fiaraha-monina eo amin’ny samy Kristiana, tsy misy fizarazarana, tsy misy fitsitokotokoana. Tarihina isika, tandremo ny didy nomen’i Jesoa Kristy antsika dia mirindra sy milamina ny fiainana.

Fanontaniana:

Inona no tokony atao mba hanamafisana orina ny fifankatiavana eo amin’ny samy Kristiana?

Sampana Sekoly Alahady Foibe

Perikopa 2024

Martsa: MANORINA NY FANEKENY NY TOMPO

| | 03. Karemy III
Salamo 89.19–37 | Lioka 1.67–79 | Hebreo 8.7–13

| | 10. Karemy IV
Eksodosy 6.2–8 | Matio 3.13–17 | Galatiana 3.15–18

| | 17. Karemy V – Sampanasa SAF
Mpitsara 2.1–5 | Jaona 3.31–36 | Asan'ny Apostoly 3.22–26

| | 24. SAMPANDROFIA – Asa fifandraisana FJKM
Malakia 2.5–6 | Marka 11.1–11 | Hebreo 10.26–31

FJKM Fahazavana

S/P ANTANANARIVO ATSINANANA

MAMPITANDRINA AMIN’NY DIDINY ANDRIAMANITRA