Zoma 17 Novambra 2023

Romana 12:1-11

1-Omanina ny saina, fa tsy afaka mitia an’Andriamanitra sady mitia izao tontolo izao ny mpino(and 2)

Ny olona kristiana dia nahita fiovana toe-tsaina lehibe raha vao niova fo. Tsy sarotra amin’ny kristiana ny manamboatra saina fa tsy afaka ny mitia an’Andriamanitra izy sady mitia izao tontolo izao. Mila mahay manavaka ny tsara sy ny ratsy. Ratsy ny asany raha vao mitia izao tontolo izao satria mifanohitra ny ara-panahy sy ny ara- nofo. Koa aza tia izao tontolo izao, fa tsy toe-tsain’ny olona mifoha ao amin’i Kristy izany. Jaona apostoly aza dia nilaza fa izay tia izao tontolo izao dia fahavalon’ Andriamanitra. Rehefa tena ao am-po ny fitiavana an’ llay Zanak’Andriamanitra dia tsy olana mihitsy izany, mora ny manaiky izany ka misafidy ny làlan’ny fahazavana.

2-Omanina koa ny saina fa tsy maintsy mifanampy ny samy olona ao amin’Andriamanitra (and 3) Anarina mba tsy hiavonavon-kevitra ny Kristiana ka hilaza ny tenany ho mahavita azy satria tsy maintsy mifanampy ny Kristiana rehetra, na ny manana na ny mahantra, na avara-pianarana na ireo tsy nandia fianarana. Toy izany mihitsy ny rafitry ny Fiangonana, mitovy amin’ny tenan’ ny olombelona, tsy loha daholo fa misy tongotra, tànana sns… Ny loha dia tsy maintsy miara-miasa amin’ny tongotra, na dia any ambony any aza. Koa ny fahasamihafana dia natao hifameno. Noho izany, meteza hanaiky am-pitiavana izany fandaminan’ Andriamanitra izany fa dia hahafinaritra ny fiainana.

Fanontaniana:

Efa mba nanontany tena ve ianao hoe : nahoana no nasian’ Andriamanitra ny fahasamihafan ‘ny olombelona tsirairay?

Sampana Sekoly Alahady FOIBE FJKM