Hafatry ny Filoha / Aog 2023
VONTOSY FILAZANTSARA
NY NOSY MADAGASIKARA !
Dia meteza isika hiova
Ka hahay mandray vahiny.
Fa rehefa misy fitoriana
Hitaomantsika olon-kafa,
dia tena hisy ny hanaiky
ka ho babon’i Jesoa.
Ho avy hanatona izy ireny,
dia hamonjy ny fiangonana,
hiditra any anaty sampana
ary ho tonga mpianakavin’
ny finoana toa antsika.
Eo no ilana fahendrena
Mba hahaizantsika tsara
Mampandroso ireo vahiny
Hahatsiarovany tokoa
Fa tena maharavo antsika
Ny olom-baovao hanampy
Mba ho isan’ny Fiangonana!
Hahay mandray vahiny isika,
ary tsy hanavakavaka,
ary hahay mitsiky isika,
ho miramirana tarehy,
handray tanana am-pitiavana
azy ireny rehefa tonga
ka tsenaina am-pifaliana.
Ho fiangona-misy antsika,
ny any ivelany, handroso,
ny efa ao tsy hivoaka intsony!
VONTOSY FILAZANTSARA
NY NOSY MADAGASIKARA !
IRAKO AMMI
