Hafatry ny Filoha/ Des 2021

VONTOSY FILAZANTSARA

NY NOSY MADAGASIKARA !

Fa ho an’i Gasikara

Ny famonjena izay nomena

Nahatongavan’ny Mpamonjy

Tam’izao tontolo izao.

Ny Noely, sanatria,

tsy fety fotsiny, d’izay

fa tena fiaina-mahagaga

izay aterin’Andriamanitra

ho an’ny firenen-drehetra,

ary tsy hadino akory

isika Malagasy ireto.

Tena marina amintsika

Ny anteman’ny anjely:

“fiadanana e! Fiadanana

Ho ety an-tany izao

Ho amintsika olombelona

Nohasoavin’ny Mpahary!”

Saingy toy ny henoko eto

Ny sentonao mipololotra:

“Aiza akory izay fiadanana?

He, jereo ny fahoriana,

Izato fahantrana lalina

Mandifotra ny Malagasy!”

Eny, raha ny hita maso,

toa firariana, nofinofy,

ihany izany hoe fiadanana;

saingy izao no tadidio:

efa tonga i Jesoa tia,

nefa raha tsy raisina Izy,

tsisy fiadanana eo!

VONTOSY FILAZANTSARA

NY NOSY MADAGASIKARA !

IRAKO AMMI