Hafatry ny Filoha / Aog 2019.

VONTOSY FILAZANTSARA

NY NOSY MADAGASIKARA !

Ka na misy mafy aza,

Iza anefa no nilaza

Fa handeha an-kamorana

Ny ady amin’ny fahotana?

Moa tsy efa nolazaina

Fa hifamatra amin’ny aina

Ny tolona iantsoana antsika

Fa tsy ady mangatsiaka?

I Satana mantsy tsy hanaiky,

Ny mpomba azy tsy hiaiky

Hilavo lefona tsy akory,

Fa hiezaka hampahory

Ny Fiangonana mijoro;

Saingy isika tsy hikoro

Fa i Jesoa dia momba hatrany

Ny Fiangonany eto an-tany,

Izay nomeny fahefana

Mba handresy ilay Satana.

Isika izao no Fiangonany

Izay tiaviny, iantohany,

Hanefa iraka goavana

Handehanana hizahavana

Ireo olom-bery marobe

Mbola sitrany handre

Ny famonjeny mahafaly,

Ka ireo ory sy mijaly,

Mihosom-bovoka sy lavo

Ho tonga zanaky ny Avo.

O, zy zanak’Andriamanitra,

Ianao no iraky ny Lanitra:

VONTOSY FILAZANTSARA

NY NOSY MADAGASIKARA !

IRAKO Andriamahazosoa AMMI ,

Mpitandrina , Filohan’ny FJKM

Perikopa

Novambra: Ho avy amin'ny heriny ny Tompo

| | 24. Ala XXV man. Trinite KPMS
Mal 3.19-24/ Mat 16.24-28/ Apo 22.12-16

Desambra: Iaino ny fiadanan'ny Tompo

| | 01. Advento I
Isa. 57:15-21 / Lio. 19:37-44 / Jak. 2:14-20

| | 08. AdventoII S. Sekoly Alahady
Joba 36.5-15/ Lio 11.27-28/ 2Tes 3.6-16

| | 15. Advento III
2 Tant 14.1-6 / Lio 10.1-7 / Rom 14.19-23

FJKM Fahazavana

TORITENY : EKSODOSY 12.15-17