Sabotsy 17 Aogositra 2019.
Fandalinana ny Boky 1 KORINTIANA
1Korintiana 7.1-31
Ny kristiana sy ny fanambadiana
Sehatra iray hanamasinan’ny Tompo ny olona ny fanambadiana (and12-14).
Anjara sy fiantsoana nomen’ny Tompo ny olona koa izy (and17) mba hahafahany manompo azy . Marihana anefa fa vonona sy mahavita kokoa ho an’ny Tompo ny tsy manambady . Sehatra iray tsara ihany koa ny maha-tokatena eo amin’ny fanompoana ny Tompo , raha maharitra amin’ny filàna ara-nofo (and9). Ny zava-dehibe indrindra dia ny fizoran’ny tsirairay amin’izay efa niantsoan’ny Tompo azy avy , na manambady io na tsia (and20). Mivelatra amin’ny fanompoana ny Tompo ve ianao amin’izao toerana misy anao izao, amin’ny zavatra rehetra ?
Ny manan-danja dia ny hoe : afaka tena manompo azy amin’ny fahalalahana ve aho ? Eo amin’ny tena toerana nametrahan’ny Tompo ahy ve aho? (and24). Vitako ve ny andraikitra niantsoan’ny Tompo ahy?
Fehiny , velona tsara ve ny fanomezam-pahasoavana nomen’ny Fanahy Masina ahy sa maty noho ny toerana misy ahy izao ? (and7) .
« Raiso ny Tenin’ Andriamanitra » boky faha-8