Avy amin’ny Jiosy ny famonjena . Ny avonavony no nahatonga azy ho nolavin’ Andriamanitra ho amin’ny fotoana voafetra.
Ny fanetretena takin’ Andriamanitra amintsika
Ny fidiran’ny hafa firenena ho amin’ny planin’ny famonjena dia mitaky fanetretena avy aminy satria ny fahamoram-panahin’ Andriamanitra no namelany antsika hoamin’izany (and20,22) . Tsy hoe masina kokoa noho ny Jiosy isika (and16) fa ny tsy finoana mihitsy no mahatonga ny Tompo hanakatom-baravarana taminy (and23).
Ny hamafin’ny fon’ny Jiosy sy ny fiverenany indray .
Lalina ny fahendren’ Andriamanitra Izao hamafin’ny fon’ny Jiosy no ampidiran’ Andriamanitra miavosa ny Jentilisa ho amin’ny famonjena (and 25) . Ho avy ny andro anefa izay Izy Tompo mihitsy no hanala ny tsy finoan’ny Jiosy (and 25-26) ka nahatonga azy ho amin’ny fahafenoana indray .
Tena asan’ Andriamanitra ny mahatonga antsika ho isan’ny voavonjy . Tamin’ny fitiavany isika ka voataona i Jesoa Kristy no iafenan’izany fitiavana izany (and33-36).
Na dia eo aza ny fanokafan’ Andriamanitra ny famonjena ho amin’ny hafa firenena. Izany akory tsy midika fa nanilika tanteraka ny firenena Israely tsy ho amin’ny famonjena ny Tompo .
Ireo « sisa » amin’ Israely
Fantatr’ Andriamanitra ny Azy . Mahay mitahiry ampahan’olona ho Azy avy amin’Israely Andriamanitra (and4-5) ary hainy ny mampiasa ireo . Tsy miankina amin’ny fahamendrehan’ireo « sisa » ireo anefa izany fa « fahasoavana » tsotra izao no ifidian’ Andriamanitra azy (and6).
Ny zava-miafin’ny fandavan’ Israely sy ny fiverenany amin’ Andriamanitra .
Ny fandavan’ Israely an’i Jesoa Kristy no nahatonga an’ Andriamanitra hanokatra midanadana ny famonjena ho an’ny hafa firenena(and11) . Tena mihoatra lavitra izany ny harena ho azon’ny Jentilisa ateraky ny fiverenan’Israely amin’ Andriamanitra . Eny , fa na dia tsy takatry ny saina aza ny endrika hahatanterahan’izany (and12) . Hain’ Andriamanitra hatrany ny mamadika ny fiodinana ho amin’ny famonjena.
Ny tenan’i Jesoa Kristy sy ny asany no fototra iorenan’ny famonjena sy ny finoan’ny kristiana. Eny , fa na dia ny iraka tanterahin’ny fiangonana ho mpitory ny Filazantsara sy ny vontoatin’izany vaovao mahafaly izany dia mbola i Kristy ihany no loharano hanovozana izany (and13-16).
Hatraiza ny sahan’ny fitoriana ny Filazantsara ?
Mahatratra ny vazantany rehetra tsy ankanavaka ny fitiavan’ Andriamanitra . Nirahina ho amin’izany indrindra ny fiangonana fa tsy hijanona eo amin’izay akaiky ihany (and18) . Manohy ny asan’i Kristy mantsy ny Fiangonana satria sahan’ny fanehoana ny fitiavan’ Andriamanitra izao tontolo izao .
Tsy nahatanteraka io iraka io Israely amin’ny maha- firenena azy . Izany no antony naompitodika an’ Andriamanitra ho amin’ny hafa firenena , satria tena efa niala nenina tamin’ny Jiosy ny Tompo nefa fandavana hatrany no nasetriny izany (and21).
Andraikitry ny Fiangonana noho izany ny manao ny ainy tsy ho zavatra mba ho tanterany ny iraka napetraky ny Tompo taminy dieny mbola misy ny fotoana .
Ny fiezahana hifandray amin’ Andriamanitra tsy araky ny fahamarinana takin’ny fehim-pihavanan ao amin’i Kristy Jesoa dia tsy manankery ary tsy manokatra làlam-pamonjena ho an’izay manao izany (and1-3).
I Jesoa Kristy no fehin’ny fahatanterahana ny lalàna . Mifarana eo amin’ny asam-panavotana nataon’i Jesoa Kristy teo amin’ny hazo fijaliana ny fahatanterahan’ny lalàna (and4) . Ny fikirizana mbola hiaina amin’ny lalàna araka ny fomban’ny fivvahan’ny fanekena taloha dia fandavana tsotra izao ny famonjena vitan’i Jesoa Kristy . Noho Izy dia ao amin’ny tena ny teny fikasana ho famonjena fa tsy ivelan’ny tena . Raha ny fombam-pivavahan’ny fanekena taloha dia ivelan’ny fon’ny olona ny lalàna . Fa noho ny fanekena vaovao ao amin’i Kristy kosa dia avy ao am-po no inoana ahazoana ny fahamarinan’ Andriamanitra (and9-10).
I Jesoa Kristy izany no fahatanterahan’ny lalàna . Noho izany , ny finoana Azy no loharanom-pamonjena .
Marina Andriamanitra ao amin’ny fifidianany izay tiany ho vonjena na tsia . Tsy ny asan’ny tànany no hitsara Azy amin’ny fanapahankeviny (and19-21) .
Ny fiandrianan’ Andriamanitra dia tsy misaraka amin’ny fahamarinany ary ny fahamarinany dia ombam-pitiavana. Tsy hoe: manao izay tiany Andriamanitra satria feno fahefana. Fa na dia teo aza ny faharatsian’ny olona sy ny hamafin’ny fony amin’ny fahotana dia manome ny famindrampony hatrany Izy (and22). Ny fifikiran’ny olona amin’ny faharatsiany no mahatonga fandringanana ho azy.
Ny fisehoan’ny fitiavan’ Andriamanitra
Nosokafan’ Andriamanitra ho an’ny hafa firenena ihany koa ny fifidianana fa tsy ajanony ho an’ny Jiosy irery ihany (and24-28) . Koa na dia firenena voafidy aza ny Jiosy dia izay mino an’i Jesoa Kristy irery ihany no raisiny ho olony (and30-32).
Ny finoana an’i Jesoa Kristy no fepetra feno ahafahana miditra ho isan’ny firenena voafidy izany (and33). Minoa Azy dia hovonjena ianao.
Tsy lovaina ny maha-zanak’ Andriamanitra . Toy izany koa ny famonjena . Tsy izay Israelita no vahoakan’ Andriamanitra fa izay mankato Azy . Ny maha- zanak’i Abrahama dia ny toe-po mino sy mankato an’ Andriamanitra (and1-6) ;
Ny fenitry ny fifidianana ataon’ Andriamanitra
Ny finoana an’ Andriamanitra no maha zanaky ny teny fikasana antsika . Tsy avy amin’ny asa anefa izany fa avy amin’ny fifidianana ataon’ Andriamanitra (and11) izay asehony araka ny fiantsoana iantsoany izay nofinidiny (and13,15).
Na dia ny hamafisam-pon’i Farao aza dia ninian’ Andriamanitra napetraka mba hanehoany ny fifidianany ny vahoaka Israely (and17). Mampahafantatra ny tenany amin’ny firenena rehetra amin’ny alalan’ny asa nanavotany ny Israely ho afaka tamin’ny Egyptiana Andriamanitra.M amindra fo sy miantra amin’izay tiany hamindrany fo Andriamanitra. Marina Izy amin’ny fifidianany (and18)
Na toy inona fahalemena mbola mamaka sy maningotra ny mpino , ampy hiaro azy ny fombàn’ Andriamanitra . Ao amin’ i Kristy ny fiarovana feno ho an’ny mpino nomen’ Andriamanitra . Tena feno ny fiarovana ananan’ny kristiana . Tsy misy herin’ilay ratsy ka hanapaka azy , satria nampombain’ Andriamanitra tamin’ny fanomezany antsika an’i Jesoa ny zavatra rehetra momba ny fanavotana sy ny famonjena amin’izao fiainana izao sy ny fiainana ho avy (and31,32) .
Mifona ho antsika Kristy eo ankavanan’ny Ray
Norombahin’i Jesoa Kristy ary nosoloiny ho toeram-panamarinana ny mpino ny fitoerana teo ankavanan’ny Ray , raha fiampangana lavareny nataon’i satana sy devoly ny mpino izany teo aloha (vakio Apo 12.10).
Mitondra ny fahafatesan’i Kristy mandrakariva ny mpino ary miaina araka ny fombam-panahy amin’ny alalany . Noho izany , tsy misy hery na fanapahana ka haharesy azy satria voatahiry sy voafaritra mialoha ao amin’ny Tompo ny fandreseny (and37-39).
“Koa aza menatra ny ho vavolombelon’ny
Tompontsika” 2 Tim1.8
Miadia ny ady tsaran’ny finoana
“Izao didy izao no omeko anao
, ry Timoty zanako, araka ireo
faminaniana natao fahiny ny aminao ireo, mba ho entinao miady ny ady tsara
ireo amin’ny hitananao ny finoana sy ny fieritreretana tsara” 1
tim 1.1,18,19a
FANDAHARANA IOMBONANA
ALAHADY 11 AOGOSITRA 2019 .
FIARAHABANA APOSTOLIKA
FIDERANA
SY FISAORANA NY TOMPO:
Sal.27,1.3.11
HIRA 824 :1;2;4
VAVAKA FIDERANA SY FISAORANA
NY
SITRAPON’ANDRIAMANITRA
Mpitarika: Efe 6:14-17
Rehetra: Sambatra ny mahitsy lalana…Sal 119:1
HIRA 295 :3
FIAIKEN-KELOKA
Vavaka
HIRA
413:2 (azo atao mitovy feo
amin’ny 190)
FAMELAN-KELOKA
ATOLOTRIN’I TOMPO
Mpitarika:Apo 3:21
Rehetra: Sambatra ny olona…Sal 32:1-2
HIRA 382 3:5
FANAMBARANA
NY FINOAN’NY FIANGONANA
Fanekem-pinoana
faha-2
Feon-javamaneno
na hira
ASAN’NY
FIANGONANA
Raharaham-piangonana
RAKITRA
HIRA: Antoko Mpihira,
Fanolorana ny Rakitra
TENIN’ANDRIAMANITRA
HIRA: 759: 2
Fotoana ho an’ny ankizy sy ny tanora
HIRA:
638:1-4
Vavaka fangatahana ny fanazavan’ny fanahy Masina
Famakiana ny Soratra Masina:
–Gen 22:1-8; Lio 21: 12-19;1 Tim1:18-20
HIRA: 639:4
TORITENY;
1Tim 1: 18-20
VAVAKA FANGATAHANA+Rainay izay any andanitra …
ASA VAVOLOMBELONA
FAMARANANA
HIRA
: 307 : 3
Tsodrano: Filip 4:7
HIRA
731:1-4
Amin’ny anaran’ny Ray sy ny
Zanaka ary ny Fanahy Masina Amen
HAFATRA K.F.T.M FOIBE
“Ianareo no vavolombeloko hoy Jehovah, sady mpanompoko izay efa
nofidiko”Isa43:10a
Ry Havana,
Ho aminareo mandrakariva anie ny fahasoavana sy ny fiadanana avy amin’Andriamanitra Ray sy Jesoa Kristy Tompontsika.
Ny Komity Fanorenana ny Tsangambaton’ny Maritiora (KFTM) eto amin’ny
Foibe FJKM dia misaotra an’Andriamanitra lehibe ny amin’izao fiombonantsika ny
amin’ny Alahadin’ny KFTM izao,ry Havana.
Misaotra antsika
Fitandremana ny amin’ny fiaraha-miasa ho fanohanana ny asa sy andraikitra
napetraky ny Tompo aminay, diany hametraka tsangambato hoan’ny taranaka, mba
hanana finoana toy ireo Maritiora koa isika velona ankehitriny
Ny tsangambatom-pinoana
ezahina voalohany dia ny fiombonana sy fiaraha-miasa amin’ireo Fiangonana
mitondra anarana sy tantaran’ireo Maritiora amin’ny alalan’ny
fanompoam-pivavahana isam-bolana.
-Ny asa faharoa atao
tsangambato indray diany fanamboarana ny Kianja fanatanjahantena eny amin’ny
Kolejy Teolojika Ivato (KTI). Kianja natao
handraisana ny fivoriana sy ny fanatanjahantena rehetra ( Polyvalent),
Kianja ho fananan’ny FJKM izany.
*Ny varotra”VIDE GRENIER”
tao amin’ny FJKM Andravoahangy Fivavahana.
*Fitsidihana ireo Mpiomana
ho Mpitandrina eny amin’ny Kolejy Teolojika Ivato isaky ny volana Desambra,
izay anolorana: vary,vola,fanomezana samy hafa…
Tsapanay ny fitondranareo
ambavaka ireo asa ireo, ary anterinay ny fisaorana manokana ny fitandremana
mandrotsaka ny rakitra hoan’ny KFTM (Alahady faharoa amin’ny volana Aogositra),
isaorana ihany koa ireo mpiara-miombona antoka sy mpanolo tanana amin’ny
endriny hita maso: fitaovana,fotoana ary tolotsaina amin’ny fahaizana sy nyfanomezam-pahasoavana
teo aminareo.Andriamanitra Tompon’ny asa anie hamaly fitia antsika tsirairay
avy.
-Koa manantena antsika
hatrany ry Havana mba handrotsaka ny rakitra hoan’ny KFTM, mba ahatontosa ireo
asa kasaina sy efa atao ireo , izay azo aterina ao amin’ny Foibe FJKM rihana
faha-5 varavarana 503.
-Mampatsiahy ihany koa ry
Havana ny amin’ny fandaharana tontosain’ny
KFTM ao amin’ny Radio Fahazavana, isaky ny Talata voalohan’ny volana
amin’ny 8 ora alina sy ny Sabotsy maraina amin’ny 2ora. Fitaizam-pinoana sy fampahafantarana
ny zava-misy mifandraika amin’ny tantaran’ireo Maritiora.
Ilaina ho famporisihina antsika mba ho sahy hijoro ka handresy ny
tahotra sy ny fampianaran-diso ka ho marina ny hoe:”MIADIA NY ADY TSARAN’NY
FINOANA”.
Eto ampamaranana ny hafatra ry Havana dia mirary antsika rehetra samy
ahefa be amin’izao fanompoana an’Andriamanitra izao isika Izy tompon’ny asa
anie hitantana antsika mba hanana firaisam-po sy saina mba hampandroso ny
finoana ny filazantsara arak’izay voasoratra ao amin’ny
Fil 1:27b.
Dia manao veloma
finaritra amin’ny Anaran’I Jesoa Tompo izahay.
Ny Voninahitra dia hoan’Andriamanitra irery
ihany.
Ny herin’ny ota niteraka fahalovana ho an’ny zavaboahary rehetra dia mampiseho sy mampitaraina azy . Eny fa na dia isika izay efa nandray ny Fanahy Masina aza dia eo am-piandrandrana fatratra ilay famotsorana farany amin’ny fiavian’ny Tompo indray (and22,23) .
Ny fanantenana kristiana
Manantena isika fa ny famonjena antsika izay nanalana ny mpino tao amin’ny fahaverezana ho amin’ny fiainana mandrakizay dia efa vitan’i Kristy teo amin’ny hazo fijaliana . Manantena koa isika fa ho afaka tanteraka amin’ny herin’ny ota rehefa ho avy indray i Kristy hanongotra ny ota tsy ho isan’ny natiora hanapaka intsony ny zavaboahary rehetra (and 24,25) .
Mamonjy amin’ny fahalemena ny Fanahy Masina
Indraindray tsy vitantsika ny mivavaka rehefa tojo ady sarotra . Eo indrindra ny Fanahy Masina no manampy antsika amin’ny fitarainana ataony mba hanavotana antsika amin’ny andro mahory . Mila maharitra isika fa izay maharitra hatramin’ny farany no ho vonjena
Amin’ny
taona 2020, ny volana aogositra, 12 ka hatramin’ny faha 19 no hotanterahina any
Sambava, SP Faritany voalohany Antseranana ny Synoda lehibe faha XIX. Koa indro
atolotra miandalana eto amin’ity andian-dahatsoratra ity ny tsara ho fantatra
momba izany. Eto am-panombohana, indro itanisana ny famaritana sy ny mpandray
anjara ary ny andraikitry ny Synoda Lehibe.
Ny Famaritana: Ny Foto-dalana and. 21 dia mamaritra
ny Synoda lehibe arak’izao: “Ny Synoda
Lehibe izay Ambaratongan-drafitra ambony indrindra ao amin’ny FJKM dia
fivoriamben’ny Synodam-paritany rehetra ao amin’ny FJKM miampy ireo izay
voafaritry ny Fitsipika”.
Manantitra io andininy etsy ambony
io ny famaritan’ny Fitsipiky ny FJKM And. 231: “Ny Synoda Lehibe no Ambaratongan-drafitra ambony indrindra ary ny
Fivoriany no Ambaratongam-pitondrana ambony indrindra ato amin’ny FJKM”.
Ny mpandray anjara: Fa ireto tanisaina manaraka ireto
kosa ireo olona sy sokajin’olona voalazan’ny Fitsipika manatrika ity
fivorian’ny Ambaratongam-pitondran’ny Synoda Lehibe ity, araka ny And. 232 hoe:
“Ny Fivorian’ny Synoda Lehibe dia
fivorian’ny :
Solontenan’ny
Synodamparitany rehetra ao amin’ny FJKM,
Biraon’ny
Mpiandraikitra Foibe sy ny Mpiandraikitra Foibe amperin’asa,
Sekretera
Jeneraly sy ny Tonian’ny Departemanta,
Solontenan’ny
Sampana, Sampanasa, Asa mbamin’ny Komity sy Vaomiera ao amin’ny Foiben’ny FJKM,
Ireo
Vahiny nasaina”.
Ny
Andraikiny: Andinin-dalana roa no mamaritra ny andraikiny, ka
tanisaina eto:
Ny Fotodalana And. 3 dia manambara
fa: “Ny Synoda Lehibe no mamaritra ny
fotokevi-dehibe amin’ny fitoriana ny Filazantsara ary tanterahin’ny
Synodamparitany sy ny Fitandremana ao amin’ny faritra misy azy”
Ny Fitsipika And. 22 dia mitanisa andraikitra miisa valo: “Ireto avy no andraikitry ny Synoda Lehibe :
Manambara ny finoana iraisan’ny FJKM
amin’ny alàlan’ny Fanekem-Pinoana, ny fanompoam-pivavahana manaraka ny
Litorjia, ny Katekisma, ny fampianarana, ny fitaizana, ny fitoriana ny
Tenin’Andriamanitra ary ny fitantanana ny Sakramenta,
Mampiray hina ny Synodamparitany
rehetra ao amin’ny fotokevitra lehibe momba ny asa sy fitondram-piangonana,
Mifidy ny Mpiandraikitra Foibe sy ny
Filohan’ny FJKM ary mankato ny Biraon’ny Mpiandraikitra Foibe,
Mandray ny fanapahan-kevitra momba
ny fifandraisana sy fifampiraharahana amin’ny Fiangonana hafa sy ny
Vondrom-Piangonana ary Fikambanana hafa eto an-toerana sy any ivelany araka ny
tatitra ataon’ny Mpiandraikitra Foibe.
Mandinika sy manapaka ny soridalana
ankapobeny momba ny tetibola,
Mandray sy mandinika ary
manapa-kevitra ny amin’ny tatitra atolotry ny Mpiandraikitra Foibe, manoritra
ny asa tokony hotanterahin’ny FJKM araka ny laharam-pahamehana,
Manapaka ny fanovana rehetra atao
amin’ny « Fotodalàna sy Fitsipiky ny FJKM »,
Manapa-kevitra amin’ny fananganana
Sampana sy Sampanasa ary Asa ka mamaritra ny fotokevi-baventy ijoroany”.
Dieny izao, ry Fiangonana, manàna fotoana hanaovana vavaka
fangatahana amin’Andriamanitra mba hisehoan’ny voninahitr’Andriamanitra io
fivoriana io.
