Hafatry ny Filoha / Feb 2019.

VONTOSY FILAZANTSARA

NY NOSY MADAGASIKARA!

Fa fahavaratra ny andro

Ary avy be ny orana

Izay mamonto indray ny tany,

Ary izany dia manjary

Lakolosy izay maneno

Hanaingana antsika handeha

Hamonto filazantsara

Ny Nosy Madagasikara!

Fa mangetaheta loatra

Ny mponina eto manontolo:

mangetaheta filaminana

tsy andriana andriran’antsy!

Mangetaheta vidim-piainana

Tsy misondrotra isan’andro!

Mangetaheta fahamarinana

Tsy andairan-kolikoly!

Mangetaheta olo-be

Tsy manampa-pahefana!

Mangetaheta politika

Tsy ivarotan-tanindrazana!

Mangetaheta famonjena

Hitohizan’ny tantara

Hitehirizana ho tany

Kristianina eny hatrany

An’i Madagasikara,

tsy sanatria hiova sata.

Satria tsy misy famonjena

Any ivelan’i JESOA !

Eny, matin-ketaheta

Ny mponina eto ka andeha:

VONTOSY FILAZANTSARA

NY NOSY MADAGASIKARA!

IRAKO AMMI

Perikopa

Oktobra: Maniria ny haminany

| | 27. Ala.XXI man Trinite SAFIF-Reformasiona
Amo 3.1-8/ Jao 2.18-22/ Asa 2.14-21

Novambra: Ho avy amin'ny heriny ny Tompo

| | 03. AlaXXII man.Trinite
Hab2.1-4/ Mar14.60-64/ Heb10.35-39

| | 10. Ala XIX man.Trinte FIFA
1 Sam 19.19-24/ Jao 11.47-53/ Apo 11.1-6

FJKM Fahazavana

TORITENY : EKSODOSY 12.15-17