Hafatry ny Filoha/ Okt 2018
VONTOSY FILAZANTSARA
NY NOSY MADAGASIKARA
Fa efa tena misy olona
Manolo-tena marobe
Miara-miasa ankehitriny
Hitety havoana, lohasaha,
Hamakivaky ala be
Sy hiampita renirano,
Hiaritra ny hainandro,
Tsy matahotra oran’andro,
Na fanala mahangoly …
Eny, tena misy izany !
Ary, isaorana ny Tompo,
Fa mitombo hatrany hatrany
Ianao koa, ankehitriny,
No antsoin’ny Tomponao
Mba hanaiky sy hankato
Ny baiko izay omeny anao,
Raha Fiangonany ianao.
Fa anio dia tonga indray
Ny teny baiko feno hery:
“Efa, he, natolotra Ahy”,
Hoy i JESOA, “ny fahefana
-ny fahefana rehetrarehetra-
Na ny any an-danitra any,
Na ny eto an-tany koa.
Koa mandehana ianareo
Ataovy mpianatro avokoa
Ny firenena rehetrarehetra.
Mandehana, izaho no momba!
VONTOSY FILAZANTSARA
NY NOSY MADAGASIKARA!
IRAKO ANDRIAMAHAZOSOA Ammi
Mpitandrina , Filohan’ny FJKM.