Alarobia 04 Desambra 2019.

Fandalinana ny Boky JEREMIA

Jeremia 50.1-32

Alahatra ho toy ny tantara roa mitanjozotra ny faharavan’i Babylona sy ny fanavotana ny firenen’i Joda eto. Mifaningotra rahateo izy ireo.

1- Ny faharavan’i Babylona (and1-3/9-16)

Tsy nisy raraka an-tany ny faminaniana nampitondraina an’i Jeremia . Nendahina tamin’ny sampin’ny Kaldeana ny heriny (and2). I Merodaka no tena andriamaniny. Samy tsy nisy nahavonjy azy anefa ireo . Ravarava tanteraka ny taniny (and3) . hery avy any avaratra no namotika azy . Matanjaka sy misy hery miafina hatrany ny avy any avaratra teo amin’Israely (Jer 1.14 /Eze 1.4)

Miahy ny vahoakany Andriamanitra fa maniraka kosa ny firenena lehibe , ny Mediana sy ny Persiana , hamely an’i Babylona (and9) satria nanota tamin’ny Tompo izy (and14) . Ao an-damosin’ny tantaran’Israely olony hatrany ny Tompo. Izy no Tompon’ny famaliana (and15)

2-Ny fanavotana ny Israely

Koa satria niraraka ny hery nangeja ny Joda dia misokatra ho an-drizareo ny làlana mody mankany Jerosalema niaviany . Ranomasom-pifaliana no handehanany miverina amin’ny Tompo (and4). Fanekena mandrakizay no ifamatorany amin’ny olony , izay miverina amin’ny Tompo « fonenan’ny fahamarinana » (and7).

« Raiso ny Tenin’ Andriamanitra » boky faha-6