Zoma 20 Septambra 2019.

Fandalinana ny Boky 2 KORINTIANA

2 Korintiana 12.1-10

I Paoly mampiseho miharihary ny fahitanay sy ny fanambarany azony avy tamin’ny Tompo .

1-Ny amin’ny fiainana ao ambadik’izao hita izao (and1-5)

Izao hita izao ihany no fantatsika olombelona ny amin’ny fiainana , fa ny ambadik’izao kosa dia ny Tompo ihany no mahalala izany sy izay tiany hanehoany azy . Anisan’ ny nanana tombony tamin’izany i Paoly . Tsy ny hamantatra ny antsipirihany akory no tanjon’ny Tompo fa ny inoantsika fa misy tokoa ny fiainana mandrakizay ao amin’ny Tompo ho an’izay mino Azy sy ny fahafatesana ary ny fijaliana mandrakizay ho an’izay tsy mino. Koa manaitra antsika hitodika amin’ny Tompo izany (Jao 3.1,16/10.28/17.3 /20.31/Tit 1.2/ 1 Jao 2.17/Joda 21).

2-Ampy ho anao ny fahasoavako , hoy ny Tompo (and9)

Tsy i Paoly nomilaza ity teny ity fa ny Tompo mihitsy , hoy izy , fa mpitatitra ihany izy. Miteny aminao koa ny Tompo anio : »Ampy ho anao ny fahasoavako ». Aza manahy akory raha manoloana anao ireo olana sy ady samihafa satria amin’ireny indrindra ny Tompohaneho aminao ny heriny hampahatanjaka sy hampandresy anao. Mety hiseho amin’nyendrika maro izany toy ny famahoriana , fanenjehana , fahaterena , tebiteby noho ny amin’i Kristy (and10) . Hoy ny Tompo aminao: « ...fa ny heriko dia tanterahina amin’ny fahalemena » (12.9). Izany no nilazan’i Paoly

« …fa ny fahalemeko no fahatanjahako » (12.10). Fanoitra ho amin’ny fandrosoanao ara-panahy ny olana. Sal 119.71/Mpito7.14/Job 5.19/Sal40.12-17/Rom 8.18-35/Jak 1.12).

« Raiso ny Tenin’ Andriamanitra » boky faha-8