Hafatry ny Filoha Tongasoa

Hafatry ny Filoha II / Jolay 2017

Vontosy Filazantsara ny Nosy Madagasikara

 

Ka ny hamaroan’ny ratsy,

ny fihanaky ny loza,

ny hatevin’ito haizina

izay manarona ny tany,

sy ny loto tsy hita intsony,

manempotra ny fiainantsika,

aza ataonao mahakivy,

aza ataonao fialana

hampiraviravy tanana,

ka hanjary hialana tsiny

tsy hitenenanao intsony

O, diso ianao :

Fa moa tsy ny haizina

Iny indrindra no ilana

Ny fanilonao hirehitra ?

Moa tsy ny olana mihitsy

No fanoitra hanainga antsika

Mba hitady vahaolana ?

Moa ve tsy ny halotoana

No mihantsy antsika rehetra

Hanadio ka hanadio ?

Fa iza no salama saina

Hanadio izay tsy maloto ?

 

Koa raha misy re ny haizina,

Itondray ny fahazavana !

Koa raha misy re ny aretina,

Ento eo ny fanafody !

Koa raha misy ny hadalana,

Ento eo ny fahendrena:

VONTOSY FILAZANTSARA

NY NOSY MADAGASIKARA !

IRAKO Andriamahazosoa Ammi

Filohan’ny FJKM

Perikopa

Manaiky ho vavolombelon’ny Tompo ny irany

  30 Jolay 2017 – Ala. VII man. Trinite – TPM sy IFRP
Eze. 2: 1-3: 3/Jao. 17: 6-19/Efe. 6: 14-20

  23 Jolay 2017 – Ala. VI man. Trinite
Mal. 3: 1-7/Mat. 24: 1-14/Asa. 14: 1-10

  16 Jolay 2017 – Ala. V man. Trinite – Samp. Fivondronana Laika
Eks. 7: 14-25/Mat. 11: 2-15/Gal. 1: 11-24

  09 Jolay 2017 – Ala. IV man. Trinite – Sam. Tanora Kristiana
I sam. 23: 1-5/Jao. 1: 19-28/I Pet. 5: 1-11

  02 Jolay 2017 – Ala.III man.Trinite
Jer 26.8-15 / Jao 20.21-23 / Asa 5.17-32

FJKM Fahazavana

Ny sabata