Alahady 18 Martsa 2018.
Mibebaha eo anatrehan’ny TompoJeremia 36.1-10
Mampibebaka ny mpanjaka sy ny Joda Andriamanitra
1-Mampanoratra an’i Jeremia Andriamanitra
Raketina an-tsoratra ny Tenin’ Andriamanitra ampitaina amin’ny mpanjaka sy ny Joda . Miala nenina aminy ny Tompo mba hibebahany ka hialany amin’ny fanompoantsampy sy ny tsy fanekena ny sitrapon’ Andriamanitra . Miantehatra amin’ny Egyptiana i Joiakima mba hanoherana ny Babyloniana (2 Mpan 24 ) fa tsy mihaino izay teny entin’i Jeremia avy amin’i Jehovah . Manome teny hampitsaharana ny loza i Jehovah , raha manaiky ny mpanjaka sy ny mpanapaka aty ny Joda (and3)
2- Mampanoratra an’i Baroka i Jeremia
Ampitain’ny mpitantsoratr’i Jeremia i Baroka aamin’i Joda sy ny mpanjaka ny Tenin’i Jehovah . Tsy afaka mankany amin’nyTempoly i Jeremia noho ny antony manokana , nefa mbola tsy tany amponja izy tamin’izany ( jereo 19.26) . Tsy voasakana ny Tenin’ Andriamanitra hampibebaka ny mpanjaka sy ny vahoakany . Tsy manatanteraka ny fikapohana Andriamanitra raha tsy efa nananatra sy niala nenina .
3-Mampiala amin’ny fivavahan-diso Andriamanitra
Mivavaka sy mifady hanina ny Joda fa tsy mihaino ny Tenin’ Andriamanitra (and6). Fivavahana tsy mampiala amin’ny fahotana sy ny ratsy ny fivavahan’ny Joda . Mitarika azy i Jehovah mba hanenina sy hiala amin’ny fahotany(and7) . Isany no fahamarinan’i Jehovah.
Fanontaniana:
Tena manaiky ny fahefan’ny Tenin’ Andriamanitra ve ny fiangonana sy ny mpitarika ?Birao Sekoly Alahady FOIBE FJKM