« …fa tsy nisy nitoerany tao an-tranom-bahiny » (Lio.2.7)Ny Krismasinao,enga anie ho andro vao;tsy ho fety ivelambelanyka ny hany mba havelanydia ny fonom-batomamyizay mandoto tokotany! 
Fa tena hamangy anao I JESOAHitondra fiovana,hiova fiainasy fisaina!
IRAKO ANDRIAMAHAZOSOA Ammi, Mpitandrina
Filohan’ny FJKM
Hoy ny voasoratra ao amin’ny Hebreo 3, 13 : «fa mifananara isan’andro, raha mbola atao hoe « Anio »; fandrao hisy aminareo ho tonga mafy fo noho ny famitahan’ny ota.» Raha izany no hazavaina ara-bakiteny dia azo adika toy izao: Ny fahotana mitombo ao anatin’ny olona no manamafy ny fony ka ny fifananarana no andraikitra iantsoana ny Fiangonana. Ny fahamafisam-po no miteraka raharaha sarotra eo anivon’ny fiangonana. Ka tany aloha, ny FJKM dia nanangana ny fitsaram-piangonana ho entiny handrindra ny raharaha sarotra teo anoloana, fa efa, an-taonany maromaro izany dia filan-kevitra no mijoro ho sehatra handaminana ny raharaha sarotra ao amin’ny fiangonana.
Ny toko faha VIII ao amin’ny Fitsipiky ny FJKM no mamaritra ny amin’ny ho fiatrehan’ny fiangonana ny raharaha sarotra miseho eo aminy. Toy izao no fotokevitra ambaran’ny Fitsipiky FJKM momba ny fisian’ny fandaminana raharaha sarotra eo anivon’ny Fiangonana:
“Mba hitandroana :
Ny fampiharana ireo teny ireo dia ankinina amin’izay voasoratra ao amin’ny Mat. 18, 15 – 17 hoe : « Ary raha manota aminao ny rahalahinao, dia mankanesa any aminy, ka rehefa mitokana ianareo roa lahy, dia asehoy azy ny fahadisoany. Raha mihaino anao izy dia efa azonao ny rahalahinao ; fa raha tsy mihaino anao kosa izy, dia ento miaraka aminao ny olona iray na roa, mba ho voaorina mafy avokoa ny teny rehetra amin’ny tenin’ny vavolombelona roa na telo. Ary raha tsy mety mihaino ireo izy, dia ambarao amin’ny Fiangonana ; ary raha tsy mety mihaino ny Fiangonana koa izy dia aoka hataonao ho tahaka ny jentilisa sy ny mpamory hetra izy. »
Eo anivon’ny Synodamparitany sy ny Foibe no anatanterahana ny fandaminana ny raharaha sarotra.
Tsy ny disadisa na ny fifanolanana rehetra akory dia atao hoe raharaha sarotra satria ny Fitsipiky ny FJKM dia manana ny famaritany izany araka izay famaritan’ny And. 382, azy hoe:
“Ny atao hoe raharaha sarotra ao amin’ny Fiangonana dia ny raharaha ateraky ny tsy fanarahana sy tsy fanajana ny Fotodalàna sy ny Fitsipiky ny FJKM sy ireo Fitsipika Anatiny samihafa izay nankatoavin’ny Ambaratongan-drafitra mpiahy, tsy fanajana sy tsy fanarahana izay miseho any anivon’ny Fitandremana, Synodamparitany, Mpiandraikitra Foibe ary ireo Sampana sy Sampanasa ary Asa, ka miteraka disadisa na korontana ato amin’ny Fiangonana.”
Raha izany no izy, anjaranao mpamaky no mamaly na raharaha sarotra na tsia ny toriteny lava na fohy, ny tsy fahaizan’ny mpitandrina mihira, na ny Diakona manao lokomena…..
(Mbola hitohy)
Ho an’Andriamanitra anie ny voninahitra.
RASORAPIANGONANA
Vavolombelon’ny fitiavany ny Tompo
Talata 12 Desambra 2017
Tahaka ny fihaonan’ny mpisakaiza no nihaonan’ Andriamanitra sy i Mosesy tao amin’ny tranolay fihaonana , ka nanomanan’ Andriamanitra ny Zanak’ Israely hiakatra ho any amin’ny tany Kanana . Nambaran’ Andriamanitra tamin’izany ny toky omeny ny vahoakany .
1-Homba azy tokoa ny Tompo (and 12-17)
« Ny tavako no handeha » (and 14) ,hoy ny Tompo . Manambara izany fa ny maha-Izy ny Tompo mihitsy no homba sy hitondra hiakatra ho any Kanana . Andriamanitra manatrika ny vahoakany mantsy Izy . Hisongadina amin’izany ny fifandraisana lalimpaka sy ny fifamatorana lalina eo amin’izy ireo satra nahita fitia teo imasony izy ireo rehefa avy niaiky ny helony (and1-6) .Vonona hatrany i Jesoa Kristy hifandray amintsika raha miaiky ny fahotantsika isika .
2-Handray ny fahatsarana rehetra (and18-23)
« Izaho hampandalo ny fahatsarako rehetra eo anatrehanao « (and19a). Mitady hahita an’ Andriamanitra i Mosesy , nefa nambara fa tsy afaka mahita izany mihitsy izy raha tsy amin’ny alalan’ny asan’ny Tompo na ny voninahiny ihany . Io asa na voninahitr’ Andriamanitra io no hanolorany ny fahatsarany rehetra : hanonona ny Anarany , hiantra , hamindra fo…( and 19 ). Tombotsoa manokana no atolotr’ Andriamanitra izay manaiky Azy . Marina hatrany izany rehefa miverina mandinika ny fahafoizany hatramin’ny zanany lahitokana sy ny zavatra rehetra ho antsika isika.
Fanontaniana :Ankehitriny , inona no efa hitanao endrika nisehoan’ny tavan’ Andriamanitra ?Birao Sekoly Alahady FOIBE FJKM
Vavolombelon’ny fitiavany ny Tompo 
Romana 8.31-39Ny Romana 8 no anazavan’i Paoly ny fitahiana mahatretrika ananan’ny mpino , ka hananany fiainam-pandresena sy feno fanantenana .
1-Ao amin’i Jesoa Kristy
Fanontaniana enina misesy no napetraky ny Apostoly Paoly entina handresena lahatra antsika , fa na dia mbola eto amin’izao tontolo izao aza ny mpino , dia mahazo antoka ny mandrakizay , satria momba antsika Andriamanitra . Porofon’izany ny nanomezany an’i Jesoa Kristy zanany lahitokana , ka afaka hiantoka hatramin’ny fara-tampony amin’ny tanjona sy izay zavatra ilaintsika . Planin’ Andriamanitra ho fanomezam-boninahitra sy ho fanamasinana antsika izany , ka tsy tokony hataontsika raraka an-tany .
2-Maneho ny fitiavan’i Kristy
« Iza no hahasaraka antsika amin’ny fitiavan’i Kristy? » .Farany tamin’ny fanontanian’i Paoly ity , izay manasongadina indrindra ny fanomezana valiny ho amin’ny filaminam-panahin’ny mpino. Ireo toe-javatra fito voalaza ireo dia mety hiainantsika ihany (fahoriana , fahantrana, fanenjehana , mosary, fitanjahana, loza, sabatra) saingy ny fitiavan’i Kristy izay mihoatra noho izany kosa no mampandresy antsika hatrany . io fitiavan’i Kristy io no efa namonjeny izao tontolo izao , ka nanolorany ny ainy sy nandatsahany ny rany teo ambony hazo fijaliana . Tsarovy àry fa manana anjara amin’io fitiavan’i Kristy io ianao , ka tonga mpandresy tahaka Azy .
Fanontaniiana:Tanisao ireo fizahantoetra mahazo anao nefa tsy mety resinao mihitsy . nahoana no tsy mety resinao izany ?Birao Sekoly Alahady FOIBE FJKM
Vavolombelon’ny fitiavany ny Tompo Lioka 18.15-17Mahatratra ny sokajin’olona rehetra ny fitiavan’ Andriamanitra . Noho izany :1-Mibebaha amin’ny fanilikilihana (and15)
Manana endrika fanilihana ny zaza ny fandraran’ny mpianatra ireo olona nitondra zaza ho eo amin’i Jesoa . Ny mpianatra nanilika , fa Izy kosa niantso azy ireo hitondra ny zaza ho eo Aminy . Be fitiavana Andriamanitra ka tsy mba manilika na manavaka . Mibebaha amin’ireo endrika fandrarana sy fanakanana ataontsika amin’ny ankizy sy amin’ireo sokajin’olona madinika ka mahatonga azy ireny tsy ho tafiditra any am-piangonana , na tsy hanana anjara amin’izay atao ao am-piangonana.
2-Mandraisa ny toromarik’i Jesoa (and16)
Manana ny anjara toerany ao amin’ny fanjakan’ Andriamanitra ny zaza. Tsy misy na iza na iza rahateo azo sakanana tsy hanatona ny Tompo sy hanana ny anjarany ao amin’ny fanjakan’ Andriamanitra . Lohalaharana amin’ireny ny zaza. Anisan’ny fihetsika nanafitohina an’i Jesoa ny fandrarana ny zaza tsy hanatona Azy ( Mar 10.14). Baiko no omen’i Jesoa antsika fiangonana . Omeo sehatra ivelarany sy itomboany eo anivon’ny fiangonana ny zaza . Fampianarana koa no omen’ny Tompo antsika amin’izay tokony hananantsika toe-po tahaka ny zaza rehefa manatona an’ Andriamanitra .
Fanontaniana :Inona avy ireo endrika fanilihana ny zaza efa hitanao niseho tao am-piangonana?Birao Sekoly Alahady FOIBE FJKM
Vavolombelon’ny fitiavany ny Tompo 
Deoteronomia 10.12-19
Fantaro Ilay Andriamanitra be fitiavana fa:1-Tsy manam-paharoa Izy (and 17-18)
Ireo toetra mampiavaka sy maneho ny maha- izy Azy an’ Andriamanitra no ambarany amintsika eto . Tsy manam-paharoa Andriamanitra satria Tompon’ny fiandrianana avo indrindra Izy , manana ny hery sy ny fahefana ambony indrindra Izy , mahitsy sy marina Izy ary tia sy miantra izay atao an-jorombala Izy .Nasehony tao amin’i Jesoa Kristy fony teto an-tany ireo toetrany ireo . Nanehoan’ Andriamanitra ny fitiavany isika ka tokony hahay haneho fitiavana ny hafa ihany koa (and19) .
2-Mendrika ny hotiavina Izy (and 12-16)
Tia antsika Andriamanitra . Nasehony tao amin’i Jesoa izany fitiavany antsika izany .Mandeha ila anefa ny fitiavan’ Andriamanitra raha toa ka tsy mba mahay mamaly fitia Azy isika .Ho setrin’ny fitiavany antsika dia aoka hanaja sy hankato Azy isika ka hitandrina ny Teniny araka izay ahitana izany ao amin’ny Soratra masina manontolo , ho tia sy hanompo Azy amin’ny fontsika sy amin’ny fanahintsika sy izay rehetra ananantsika . Tsarovy fa tsy toy inona akory ny fanehoam-pitiavana andrasan’ Andriamanitra amintsika raha oharina amin’izay efa nataony ho antsika .
Fanontaniana :Inona amin’ireo fanehoam-pitiavana an’ Andriamanitra ireo no mila hanaovanao ezaka bebe kokoa hatrany ?Birao Sekoly Alahady FOIBE FJKM
FANOLORANA FANOMEZANA
Fanolorana fitaovana ho an’ireo ankizy sy sekoly mampihatra ny Fanabeazana mampiaty ato amin’ny FJKM, tanterahin’ny « Tetikasa Mahay « sy ny Foibe Fitondrantsekoly FJKM, ny Alatsinainy 11 Desambra 2017 amin’ny 2ora ao amin’ny efitra 201.
Vavolombelon’ny fitiavany ny Tompo
Efesiana 2.1-10
Endrika maro no hanehoany izany . Ireto no santionany ho antsika anio :1-Famelomana aina :
« Ary hianareo dia efa novelominy fony mbola matin’ny fahadisoanareo sy ny fahotanareo » (Efes 2.1). Fahafatesana no tambin’ny ota . Izay miaina amin’ny rehaka izao fiainana izao dia efa mizotra amin’ny fahaverezana . Soa fa teo i Jesoa , mamelona antsika indray tamin’ny nanolorany ny tenany.
2-Famindrampo sy fitiavana :
« Fa Andriamanitra izay manankarena amin’ny famindrampo , noho ny halehiben’ny fitiavany izay nitiavany antsika » (Efes 2.4) . Rehefa eo ny fitiavana dia manaraka ho azy ny famindrampo , tsy sarotra ny mamela heloka ny olo-tiana . Zava-dehibe ho an’ny mpino io famindrampon’ Andriamanitra io .
3-Fananganana sy fanarenana:
« Ary niara-natsangany isika... » (Efes 2.6). Na teo aza ny fandehanana araka ny fomban’izao tontolo izao sy ny hetraketraky ny devoly izay mpanapaka ny fanjakany eny amin’ny rivotra , dia eo indrindra ny Tompo manangana sy manarina . Ka izay atsangana sy arenina dia takiana hiala amin’ny toerana nahalavo azy ary handroso amin’ny làlam-baovao araka ny fitarihan’ny Tompo.
Fanontaniana:Ny fitiavana no paikady mahomby ho fananganana sy fanarenanana mihoatra noho ny famaizana sy ny latsalatsa . Nahoana ?Birao Sekoly Alahady FOIBE FJKM
Fifaliana ho an’ny FOIBE FJKM , ny Sekretera Jeneraly, ny AFIFAB ny manasa antsika amin’ny Fanompoampivavahana ho fisaorana an’ Andriamanitra noho ny fananganana Pylône Radio Fahazavana ,
Zoma 15 Desambra 2017
amin’ny 10 ora maraina
Chapelle Ambohibe Ilafy Fitahiana .
Manantena ny fahatongavantsika maro .
« Hianareo no fahazavan’izao tontolo izao » Mat 5.14
Synodamparitany Antananarivo Atsimo
Aumônerie Protestante CHU Fenoarivo
« Fa asany isika , voaforona tao amin’i Kristy Jesoa mba hanao asa tsara , izay namboarin’ Andriamanitra rahateo mba handehantsika eo Aminy « Efes 2.10
-Ny Foibe FJKM
-Ny Fiangonana Aumônerie Protestante CHU Fenoarivo
-Ny Komitin’ny Jobily
-Ny Mpitandrina mianakavy
dia faly manasa antsika amin’ny Fanompoampivavahana fanomezam-boninahitra an’ Andriamanitra noho ny
faha- 25 taona maha-Mpitandrina
an- dRamatoa RAHARIMALALATIANA Lydia
Izany dia hatao ny Sabotsy 16 Desambra 2017 amin’ny 9ora sy sasany ao amin’ny FJKM Antanety Fitiavana Ambatomirahavavy , izay hotarihin’ny SPAA 11.
Fifandraisana : 033 18 411 83
| |
29. ANDRO NIAKARANA
Salamo 47, 1-9 | Jaona 14, 25-31 | Asan'ny Apostoly 1, 6-11
| |
01. Ala. VI man. Paska
2 Tan.25. 1-12 | Mat.10. 26-31 | Jak.4. 11-17
| |
08. PENTEKOSTA - Sekoly FJKM
Ezekiela 39. 25-29 | Jaona 15, 26-27 | Asan'ny Apostoly 2, 14-21
