Alahady 03 martsa 2024

Salamo 89: 19-37

Ny voarakitry ny fanekena ataon’Andriamanitra amin’ny voafidiny.

Hery sy fisandratana (and 19-28)

I Davida mpanjaka eto no ilay voaſidin’i Jehovah sakaizany na lazaina hoe ilay tiany (and20). Ny vontoatin’ny fanekena nataon’Andriamanitra tamin’i Davida io; dia izay rehetra miabo ka omeny sy ataony tamin’i Davida dia hery sy fisandratana izany. Tsy ho hain’ny fahavalo sy ny ratsy fanahy ampahoriana mihintsy fa ny fahavalo indray aza no hikoy aminy (and 22-23), Hisandratra avo dia avo noho ny anaran’l Jehovah (and 24-28).

Ry Havana, voafidy ve isika, ny faneken’ny Tompo amintsika dia mirakitra hery sy voninahitra; tsy noho ny amintsika fa avy Aminy, dia fisandratana arahina famindram-po ho amin’ny taranaka (29-36) Ny taranak’i Davida dia hahita fisandratana arahim-boninahitra koa ary ho mandrakizay io. Ary na dia hivadika amin’ny fanekena aza ireo taranany ireo dia tsy maintsy hamindrany fo. Ry Havana, mamy ery izany teny izany; hery sy voninahitra ho amin’ny zanaky ny olom-boafidy hoy ny Salamo 128: 3-20: « ny zanakao dia tahaka ny zanaka oliva manodidina ny latabatrao ».

Fanontaniana:

lanao io àry ve mahatsapa fa voafidin’ny Tompo?

Sampana Sekoly Alahady Foibe