Alahady 13 Oktobra 2019.

Fandalinana ny Boky JEREMIA

Jeremia 12.1-17

Zavatra telo miavaka no ambara eto:

1-Fitarainana noho ny fanambinana ny ratsy fanahy (and1-6)

Zava-manahiran-tsaina ny mpivavaka maro ny hoe: « Nahoana no ambinina ny ratsy fanahy? Nahoana no miadana ny mpiodina rehetra? » Ny Sal 73 dia mamaofy izany lava . I Jeremia koa mba tratran’izany . Antony : rehefa nomena anao iJesoa dia omen’ Andriamanitra anao miaraka Aminy maimaipoana koa ny zavatra rehetra (Rom 8.31-32) . Ary na dia tsy takatrao aza ny fitondran’ Andriamanitra , ekeo fa hendry Izy , fitiavana Izy .

2-Fandaozan’ny Tompo ny Tempoliny sy ny vahoakany (and7-13)

Ny fahotana ifikiran’ny vahoakany dia mahatonga an’ Andriamanitra handao azy satria tonga efitra mampisaraka azy ireo Aminy izany heloka amam-pahotana izany (Isa 59.2) .Mampieritreritra lalina izany , raha ilaozan’ny Tompo ny Fiangonana , inona intsony no ilàna azy ?

3-Fitaizana ireo firenen-kafa (and14-17)

Firenena Jentilisa nikasikasika ny tanin’ Israely ireo sady nampiana-dratsy azy . Koa tsy havelan’ny Tompo ho afa-maina izy ireo , fa hovaliany tokoa . Israely kosa mbola hamindrany fo indray . Mahagaga izany !

« Raiso ny Tenin’ Andriamanira » Boky faha-6

Toriteny

Toriteny 29 Martsa 2020
Video

toriteny
Video

Toriteny/Filohan'ny FJKM
Video

26 janoary 2020 - FJKM Isotry Fitiavana
Video

Perikopa 2020

Jolay: AMBARAO NY FAHAFAHANA AO AMIN'NY TOMPO

| | 05. Ala IV man .Trinite
Isa 51.9-11/ Jao 9.30-38/ Asa 26.12-18

| | 12. Ala.V man.Trin -Sampana Tanora Kristiana
Jer 31.10-14/Jao 4.25-30/Rom 8.1-8

FJKM Fahazavana

Fanompoampivavahana FFKM