Alarobia 31 Oktobra 2018.
Ireo didy folon’ny fahombiazana
9-Mivonona hiaritra ny mafy
Araka ny torohevitr’i Petera hoe : » fantatrareo fa izany fahoriana izany dia manjo ny rahalahinareo rehetra eran’izao tontolo izao rehefa niaritra fahoriana vetivety ianareo 1 Pet 5. and 4 10 . Ny fahoriana resahin’i Petera dia ny fahoriana amin’ny ady amin’ny devoly sy ny fiaretana rehetra takin’ny fijoroana ho vavolombelon’i Jesoa. Fa marina amin’ny lalanan’ny fahombiazana rehetra koa anefa izao :mitaky fiaretana mafy ny fahombiazana . Hoy ny Malagasy: « ny valala aza tsy azo raha tsy andriana ilika ».Tsy indray azo ny fandria-mafana sy ny valala manatody. Aza mandositra ny mafy raha te-hahomby ianao. Ady ny fiainana ka miara-mila tsy mataho-maty .
10-Banjino ny mandrakizay
Araka ny voasoratra hoe: » Andriamanitry ny fahasoavana rehetra izay efa niantso anareo ho any amin’ny voninahiny mandrakizay amin’i Kristy (and 11). Ho Azy anie ny fanjakana mandrakizay mandrakizay. Amena (1 Pet 5) . Raha mandresy lahatra antsika hikatsaka fahombiazana amin’ny fiainana ankehitriny ihany ny manam-pahaizana rehetra nanoratra boky sy nanao lahateny mipoapoaka , ny finoana kristianina kosa , manome antsika masolavitra hitsinjovantsika ny ao ambadika izao hita izao. Ny fahombiazana tena izy dia tsy ny fananana mari-pahaizana ambony fotsiny izay tsy afa-mandingana ny rangolahin’ny fasana . Ny fahombiazana tena izy dia tsy ny fananam-bola aman-karena be izay tsy hahatondrana na iraimbilanja aza rehefa maty,tsy ny fananana fahefana amam-boninahitra mameno tratra ,izay mety hanaovana fandevenana makotrokotroka . Ny fahombiazana tena izy dia izay maharitra mandrakizay , mihaika ny herin’ny fasana ary tsy mandady amin’ny lala-mari-tampon’ny fotoana fa mihanika ny lala-miakatry ny mandrakizay.
Marihana fa fomba filaza ihany ny hoe : « didy folo » fa tsy fampilaharana azy amin’ny Didy folo ao amin’ny Baiboly akory.
« Bokikelin’ny fahombiazana » IAA
Araka ny torohevitr’ i Petera hoe: »Mahonona tena , miambena , fa ny devoly fahavalonareo mandehandeha tahaka ny liona mierona mitady izay harapany. Tohero izy ». Aza alaim-panahy hihevitra fa tsy misy ny devoly, na hoe: hevitra ratsy foronin’ny saintsika ny devoly. Fa ny devoly dia tena misy ary tena miasa . Hatrany amin’ny takila voalohandohany ao amin’ny Baiboly dia efa resahina izany . Miasa mafy hanangoly anao izy. Tokana ny baiko eto :TOHERO IZY . Aza itadiavana marimaritra iraisana fa raiso ho fahavalo tsotra izao .
Raha marina ny finoanao an’i Jesoa , tsy matahotra io « tahaka » ny liona io ianao: manana an’i Jesoa ianao . Izy ilay voasoratra ao amin’ny Apo 5.5. Ny fahombiazana ivelan’ny fanananao an’i Jesoa dia hanandevo anao ho,voagejan’ny fiavonavonana, ny fireharehana,ny fitiavam-boninahitra amam-pahefana ka hiankohofanao eo amin’i satana izay tsy menatra mihitsy miteny hoe : »Izao rehetra izao homeko anao raha hiankohoka eto anatrehako ianao « (Mat 4.9). Tsy fahombiazana anefa izany . Fa na omen’ny devoly anao avokoa aza izao rehetra izao . »Fa inona no soa azon’ny olona raha mahazo izao tontolo izao aza , kanefa very ny ainy ? (Mar 8).
-Manaiky ny fahefana mitarika : »ary ianareo izay mbola tanora fanahy kosa, maneke ny loholona« (1Pet 5). Malaza izao ny hoe: « leadership », avy amin’ny teny hoe:« leader » na mpitarika , avy amin’ny matoateny « to lead » mitarika. Fa raha te-hahomby ho lasa mpitarika ianao , maneke ny lalànan’ny « followership », avy amin’ny follower « mpanaraka », avy amin’ny matoateny anglisy hoe: « to follow » na « manaraka ». Ary mazava izany fa ny olona manana mari-pahaizana ambony rehetra dia nanana mpitarika avokoa (directeur de mémoire, directeur de thèse). Ny fanarahany ny torohevitr’ireny ihany no hany nahatonga azy hahazo ny mari-pahaizana ambony azony .
-Manana fanetrentena eo imason’olona(1Pet 5.5). Zava-dehibe ny fahaiza-manetry tena ka mametraka ny hafa ho ambony noho ny tena . Tsy fahambaniana mihitsy akory ny fanekena hanompo ny hafa . I Jesoa no modely faratampony amin’izany . Izy izay miteny hoe: « ny Zanak’olona tsy tonga mba hotompoina fa mba hanompo… ». Noporofoiny izany raha nanasa ny tongotry ny mpianany Izy (Jaona 13) (1Pet 5.5;6,7,8) ka taorian’izany mamatonalin’ny fanetrentena tsy manam-paharoa izany no niposahan’ny masoandron’ny fahombiazana tsy manan-tsahala (1 Pet 5.9-11)
Toy ilay vehivavy narary 12 taona : nino izy ka dia nanatona azy , hikasika Azy. Ny finoana kristiana ihany no sahy manambara aminao fa ny tena fahombiazana marina dia ao amin’i Jesoa . Fa tsy fahombiazana mamatotra anao no azonao ao amin’i Jesoa fa fahombiazana manafaka anao ity vehivavy afaka tamin’ny aretina namatotra azy an-taona maro ity . Ny fahombiazana vokatry ny herinao fotsiny mety hitarika anao ho andevon’ny vola ka tsy hanana fitsaharana intsony .
-Araka ny nolazain’i Petera : mino ka mankato ny baiko hoe: »ary apetraho Aminy ny fanahianareo rehetra, fa Izy no miahy anareo » (1 Pet 5.7). I Jesoa dia afaka mitondra ny entanao rehetra, na ny entam-pahotana mahavery ny fanahinao, na ny entam-piainana tsy misaraka ny fanahinao, na ny entam-piainana tsy misaraka amin’ny maha-olombelona.Mahatoky mandrakariva ny tenim-pitiavany ao amin’ny Mat 11.28. Ataovy azonao antoka fa efa nanolotra tokoa ny fonao hidiran’i Jesoa ianao. Fa raha tsy izany , tsy hisy fahombiazana tena izy ho azonao akory . Fahombiazana sandoka,ankosotra fotsiny ny ivelan’izany (mbola hitohy…)
Mba fantatrao ve ilay lehilahy Amerikana atao hoe: Thomas EDISON, izay namorona ny takamoa (ampoule) tamin’ny 1878 , dia voalaza fa nanao fanandramana hatrany amin’ny in-1000 vao nahita fahombiazana hahazoana io takamoa ampiasaintsika mora foana ankehitriny io?
3-Misokafa amin’ny hafa (Gen 24.18)
1- Toriteny ifamaliana
FIKAMBANANA MAMPIELY BAIBOLY MALAGASY,
Araka izany dia endrika vaovao indray no isitrahan’ny rehetra ny FI.A.FI. manomboka izao. Azo alaina mivantana eny amin’ny foiben-toeran’ny FMBM eny Ampasampito io fitaovana vaovao io. Zaraina maimaimpoana, tsy misy vola aloha. Marihina fa ny Testamenta Vaovao ihany aloha hatreto no vita ka amin’ny Dikanteny Iombonana eto Madagasikara “DIEM” izany. Noho ny fivoaran’ny teknolojia izay hita fa tsy azo ferana intsony no antony iray lehibe nanaovana izao ezaka izao sady tsapa rahateo koa fa mora ny manaparitaka ny Tenin’Andriamanitra amin’ny alalan’ny « internet ».
