Alatsinainy 12 Aogositra 2019.

Fandalinana ny Boky 1 KORINTIANA

1 Korintiana 3.1-15

Raha ny fijerin’i Paoly no zohina dia mariky ny fahazazana ara-panahy ny fifampiandaniana sy ny fifandirana misy eo amin’ny Fiangonana (and3).

Ny firehana amina olona manokana

Kianin’i Paoly mafy etoana ny fifikirana manokana amina mpanompon’ Andriamanitra ho toy ny tena zavatra eo amin’ny fampiorenana ny finoan’ny Fiangonana . Samy mpiara-miasa mandray anjara amin’ny fampandrosoana ny mpino izy ireny . Fa ny tena anton’izy rehetra dia i Kristy irery ihany (and9).

I Kristy no fototra hametrahana izay arafitra rehetra

Samy mitondra ny anjara birikiny avy ny mpino amin’ny fiantsoana iombonana. Andraisana valiny avy aminn’ny Tompo avokoa mantsy ny fikelezana aina natao amin’ny fanompoana azy (and 14)

Mitady fahafahampo amin’izay hatao ve isika rehefa manao ny asan’ny Tompo ? Nikatsaka izay « tsara » hatrany Andriamanitra tamin’ny asa fahariana (Gen 1) . Tokony ho hita eo amin’ny fiainan’ny mpino mihitsy noho izany ny kolotsain’ny fahatsarana.

Fa raha hitsahatra amin’izay nisasarany isika , misy asa tsara manaraka ve ? Sa zara aza fa voavonjy ? (and15)

« Raiso ny Tenin’ Andriamanitra« Boky faha-8