Zoma 09 Aogositra 2019.
Fandalinana ny Boky 1 KORINTIANA
1 Korintiana 1.1-16
Ao amin’i Kristy no iafenan’ny harem-pahasoavana rehetra avy amin’ Andriamanitra Ray izay voatokana ho an’ny olona masina .
Ny filazana an’i Kristy no loharanom-pahasoavana
Ny fiorenan’ny filazana an’i Kristy teo amin’ny Fiangonana tao Korinto no nahatonga azy ireo tsy latsaka tamin’ny fananana fanomezam-pahasoavana (and7) . Zava-droa loha tsy afa-misaraka amin’ny fanantenana kristiana noho izany ny fiandrandrana ny fiavian’i Kristy indray sy ny fahaveloman’ny fanomezam-pahasoavana eo anivon’ny Fiangonana. Voatory tsara àry ve ny filazana an’i Kristy ? Velona tsara eo anivon’ny Fiangonana ve ny fanomezam- pahasoavana samihafa enti-manompo? Afaka milaza ve isika fa tena Fiangonana miandrandra ny fiavian’ny Tompo ny Fiangonana misy ny tena ?
Mazoto mitana ny firaisana satria iray i Kristy
Fakampanahy mpahazo ny Fiangonana hatramin’izay ny fifampiandaniana (and11-13) . An’i Kristy anefa ny Fiangonana ka tsy tokony ho zarain’ny firehana na olona (and12). Ilaina ny mitazona ny firaisana masina , miorina amin’i Kristy fa tsy oon-kafa (and10) .
« Raiso ny Tenin’ Andriamanitra » Boky faha-8