Alahadin’ny SVM 2019
FANDAHARANA IOMBONANA
Alahady 23 Jiona 2019.
*Feon-javamaneno fidirana *
Fiarahabana apostolika : II Kor. 14: 13
Fiderana an’Andriamanitra : Salamo 1 (iaraha-mamaky)
Hira : 8
Vavaka fiderana
Fanambarana ny Sitrapon’Andriamanitra : Efe. 5 : 15, 18
+ Sambatra ny mahitsy làlana…
Hira: 201 : 3
Vavaka fiaiken-keloka sy fifonana
Hira: F.F. 4 : 2, 3
Famelan-keloka atolotr’Andriamanitra: Apo. 3 : 10 – 11
+ Sambatra ny olona izay voavela ny helony …….
Hira : 489 : 1
Fanambarana ny Finoana: Fanekem-pinoana laharana faha 3
*Feon-javamaneno fohy*
Raharaham-piangonana
Rakitra – Hira : 61 (Fih.V.M.) na Sampana Vokovoko Manga na Antoko
Mpihira
Fanolorana ny Rakitra
TENIN’ANDRIAMANITRA:
Fotoana ho an’ny ankizy – Hira : 772 : 3, 5
Hira : 175 : 1, 4, 5
Vavaka:
Vakiteny: Mika 3 : 6 – 8
Lioka 1 : 8 – 17
Jakoba 4 : 1 – 10
Hira: 53 : 1, 4 (Fih.V.M.)
TORITENY
Vavaka fangatahana + Rainay Izay any an-danitra
Asa vavolombelona
Tsodrano
Hira : F.F. 33 : 3
“Amin’ny Anaran’ny Ray sy ny Zanaka ary ny Fanahy Masina.Amen”
…………………………………………………………………………..
HAFATRA SVM 2019.
Ry havana malala,
«Hampitomboina ho anareo anie ny fahasoavana sy ny fiadanana amin’ny fahalalana tsara an’Andriamanitra sy Jesoa Tompontsika.»(II Petera 1 : 2).
Misaotra an’Andriamanitra hatrany isika raha mahatratra indray izao Alahady Manga 2019 izao. Inoanay fa amin’izao fotoana anoratanay izao dia efa Birao vaovao avokoa no mandray andraikitra, indrindra amin’ny isam-pitandremana. Miarahaba anareo Birao vaovao rehetra ary mirary fahombiazana amin’ny asantsika. Efatra (4) taona izao no niainantsika Sampana Vokovoko Manga ilay teny faneva hoe : « Ary izay mamerina ny maro ho amin’ny fahamarinana dia ho tahaka ny kintana mandrakizay doria » (Daniela 12 : 3b). Manao ahoana ny vokatry ny famerenana olona maro ho amin’ny fahamarinana ?
Nanampy betsaka antsika hanatratra io teny faneva io ny vinan’ny FJKM hoe : « Vontosy Filazantsara ny Nosy Madagasikara ». Mby aiza ny famerenana ny maro ho amin’ny fahamarinana araka ny Filazantsara? Efa nambara tamintsika fa rehefa voarain’ny olona sy iainan’ny olona marina ny
Filazantsara, dia avelany ho azy ny ratsy rehetra; ka ao anatin’izany ny fidorohana zavamahadomelina, izay efa nambara tamintsika ombieny ombieny fa maro ny ratsy aterany. Efa hitanay ny ezaka lehibe ataon’ny Sampana Vokovoko Manga any amin’ny Fitandremana sy ny Synodamparitany sasany mamokatra ireo fitaovana notapahin’ny Zaikabe toy ny Raki-kira Vokovoko Manga, Ivotoerana fihainoana (centre d’écoute) , trakta sy dépliant. Renay koa ny fijoroana vavolombelona ankalamanjana (filaharambe sy Tafika Masina) ataon’ny Sampana Vokovoko Manga isan- tSynodamparitany. Inoanay fa ho betsaka ny tatitra isan-tSynodamparitany ho re any amin’ny Fihaonambe Faha 7 any Sambava.
Niezaka araka izay tratra ny Sampana Vokovoko Manga Foibe namatsy ireo Komity Foibe, nahazoany nanofana ny tompon’andraikitra isan-tSynodamparitany sy isam-pitandremana. Nantenaina fa ireny no niantoka ny fahombiazana nahazoantsika Sampana Vokovoko Manga namerina ny maro ho amin’ny fahamarinana tokoa.
Efa maro no nampiasa ny Boky Fampiofanana Mpiandraikitra Rantsana Manokana. Foto-kevitra maro azo hanofanana tompon’andraikitra isan-karazany ao amin’ny Fiangonana no voarakitra ao; fa tsy ho an’ny Sampana Vokovoko Manga ihany. Ampirisihana ny tompon’andraikitra isan’ambaratongan-drafitra, amin’izao fanavaozana tompon’andraikitra ao amin’ny Fiangonana izao, hanofana ireo olom-boafidy vaovao amin’ny fampiasana io Boky Fampiofanana Mpiandraikitra io. Ampirisihana hatrany ny isam-pitandremana hampiasa ny “Divaim-pandraisana” vita amin’ny voankazo vokarin’ny Sampana Vokovoko Manga FJKM. Hamafisina fa efa nahazo alalana tamin’ny Fanjakana (tamin’ny alalan’ny Ministera miandraikitra ny fanjifana) ny fahazoana manaparitaka azy, ary hitantsika amin’ny “etikety” eny amin’ny tavoahangy ny laharan’izany fanomezan-dàlana izany.
Efa nanentanana antsika nandritra ny efatra (4) taona ny FIHAONAMBE any Sambava ny 10 – 13 OKTOBRA 2019 izao. Efa vonona ny any an-toerana, fa miandry ny fahatongavantsika rehetra fotsiny sisa. Efa nisy ny taratasy nalefa mikasika ny dinidinika tsara ho fantatra, fa ampahatsihivinay ato ihany izany amin’ity Fandaharana Alahady Manga ity .
Mampahery antsika Kristiana rehetra amin’ity « Alahady Manga » ity. Natao alohan’ny Fetim-pirenena hatrany izy ity, hampahatsiahivana ny Malagasy fa azo atao tsara ny mankalaza fety tsy misy zava-mahamamo sy zavamahadomelina . Ampahatsihivina hatrany koa fa ny Kristiana rehetra no ho vavolombelon’izany, fa tsy ny mpikatroka Vokovoko Manga ihany. Taomina isika rehetra hifaly amin’ny Fetim-pirenena, saingy ho tandrovina mandrakariva ny maha tempolin’Andriamanitra ny tenantsika.
« Fa araka ny fahamasinan’Ilay niantso anareo, dia aoka mba ho masina koa ianareo amin’ny fitondrantena rehetra .» (I Petera 1 : 15).
Ho aminareo mandrakariva anie ny Tompo !
Ifanomezantsoa faha 30 Avrily 2019
Ny Filoha
RANAIVOARISOA Tiarison, Mpitandrina
Ny Tonia
RAKOTOMANANA Herintsoa Tahiry, Mpitandrina
¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨
FAMPAHAFANTARANA MAHAKASIKA NY FIHAONAMBE SVM 2019.
Araka ny fanapaha-kevitra farany dia hotanterahina any amin’ny SP KRIFAA 16 , any Sambava ny FIHAONAMBEN’NY SAMPANA VOKOVOKO MANGA ny 10,11,12,13 Oktobra 2019 .
Toy izao ny andinindininy tsara ho fantatra aloha hatreto .
- Ny saran-dalana dia manodidina ny 240 000 Ariary isan’olona ny mandroso sy miverina (raha tsy dia misy loatra ny fiovana toy ny vidin-tsolika , sns… )
- Ny saran-dasy dia 2000 Ariary isan’olona mandritra ny fihaonambe.( izany hoe mandritra ny efatra andro. )
- Ny Badge kosa dia 500 Ariary; tsy maintsy manana badge avokoa ny mpamonjy Fihaonambe rehetra ho fitandroana ny filaminana sy ny fandriam-pahalemana.
- Ny sakafo dia efa misy omanin’ny any an-toerana ka ho 500 Ar sy sakafo maraina , 4000 Ar sy 5000 Ar ny sakafo atoandro sy ny sakafo hariva , arakaraky ny safidin’ny tsirairay. Marihina fa azo andrahoana sakafo avokoa ny toeram-pilasiana itobiana raha niomana ho amin’izany ny mpamonjy Fihaonambe.
- Ny Fara-fisoratana anarana dia ny faran’ny Volana Aogositra 2019 , ao amin’ny Varavarana 506- Foibe Sampana Vokovoko Manga FJKM, Trano Ifanomezantsoa Analakely.
LALAO SY FIFANINANANA
- Ny Lohahevitry ny fifaninanana rehetra dia ny teny fanevan’ny FJKM sy ny Teny Fanevan’ny SVM FJKM ao amin’ny II Tim 1:8 sy ny Dan 12:3 b
- Ny taranja ifaninanana dia
- Foot ball à 7 ( lehilahy sy vehivavy )
Sokajin-taona lehilahy : 6 – 12 taona
13 – 17 taona
18 taona – miakatra …
Vehivavy : tsy misy sokajin-taona .
- Basket Ball : Lehilahy sy vehivavy – tsy misy sokajin-taona .
- Marathon :
Lehilahy : 6 – 12 taona
13 – 17 taona
18 taona – miakatra …
Vahivavy : latsaky ny 15 taona
15 taona noho miakatra …
- Tsipy kanetibe.
KOLONTSAINA :
- Hira madinika , Vako-drazana , Kabary , Sora-dihy , Tononkalo
- SORATRA MASINA
Fanamarihana :
Marihina fa ny solon-tena iray ( ekipa 01) isaky ny Synodam-paritany, izay efa mpandresy avy any no mifaninana any amin’ny Fihaonambe , afa –tsy ny Marathon irery ihany ( afaka mandray anjara avokoa izay te handray anjara na dia misy solon-tena maromaro aza avy ao amin’ny Synodam-paritany iray.)
Dia izay sy izay aloha no vaovao azo ifampitana , ary manentana antsika rehetra ho tonga maro amin’izany Fihaonamben’ny SVM any Sambava izany.
Manao veloma finaritra amin’ny Anaran’ny Tompo Jesoa .
Ny Biraon’ny Sampana Vokovoko Manga – Foibe FJKM
Ny Tonia
RAKOTOMANANA Herintsoa Tahiry, Mpitandrina.