Auteur/autrice : admin

Alarobia 20 Jolay 2016

MATIO 14.15-21

« Omeonareo hanina izy »

Nangataka tamin’i Jesoa ny mpianatra ny mba handravana ny olona amin’izay mba hitady hanina . Tsy manana fahafahana hamahana ireo vahoaka ireo ny mpianatra . Baiko no nasetrin’i Jesoa izany : « omeonareo hanina izy »

Mampandray andraikitra ny mpianany ny Tompo

Vitany samirery ny mamahana ireo vahoaka ireo , fa tiany hiara-miasa Aminy ny mpianatra , ka amin’ny alalan’ny fandraisan’ny mpianatra andraikitra no hanehoany ny fanomezany hanina ny vahoakany . Kely tokoa ny teo am-pelatànan’ny mpianatra fa izay nokendren’i Jesoa indrindra tamin’izany ny hampianatra ny mpianatra fa azo atao ny manome ny olona noana hohaniny raha adidy nomen’i Jesoa azy izany . Adidintsika ny mamahana ny olona ka manome azy ny hanina ilainy .

Miantoka ny hanina ilain’ny vahoaka ny Tompo

Tian’ i Jesoa ho hitan’ny mpianatra fa afaka manao fahagagana toy izany koa Izy . Na dia amin’ny androntsika ankehitriny izao aza dia manao fahagagana ho antsika ny Tompo , ary maro amintsika no efa mahatsapa izany . Ny tena zava-dehibe amin’izany dia ny hananantsika fahatokiana Azy fa Izy no miantoka ny fiainantsika manontolo .

Fanontaniana :

Inona no navalina ireo izay nitaraina sy nangataka taminao ?

Birao Sekoly Alahady FOIBE FJKM

HAFATRY NY MF 08/SLX VII

FIANGONAN’I JESOA KRISTY ETO MADAGASIKARA
« Fa ny fanantenana no namonjena ny mino » (Rom 8.24a)
Ry havana,
“Ho aminareo anie ny fahasoavana sy ny fiadanana avy amin’Andriamanitra Raintsika sy Jesoa Kristy Tompo”.( Fil 1:2)
Miarahaba ny Fiangonana sy ny mpianakavin’ny finoana manerana ny Nosy sy ny any am-pita, nahatratra ny Paska Fandresena 2016.
Ny Mpiandraikitra Foibe, izay nivory teto amin’ny CFD Ampandrana tamin’ny 6 -13 Aprily 2016,dia mampita izao hafatra izao ho an’ ny Fiangonana sy ny Kristiana FJKM rehetra :
1. Mampahery ny tompon’andraikitra rehetra isan’ambaratonga manerana ny sahan’ny FJKM, amin’ny fanatanterahana ireo asan’Andriamanitra samihafa nampanaovin’ny Tompo azy.
2. Misaotra ny Tompo isika fa noho ny fitahiany sy ny fahasoavany dia efa maro sahady ankehitriny ireo Synodamparitany sy fitandremana efa nahavita ny adidiny ara-bola taona 2016, hampandrosoana ny Fitoriana ny Filazantsara. Hampaherezina kosa ireo izay mbola tsy nahahefa mba hiezaka hahavita izany mialohan’ny Synoda lehibe manaraka.
3.Vita soa aman-tsara tamin’izao fivoriana izao ny fankatoavan’ny Mpiandraikitra Foibe ireo Tale sy Tonian’ny Sampana sy Sampanasa ary Asa, ka hiasa indray mandritra ny efatra taona. Noraisin-tanana sy nentina am-bavaka tamin’ny Alahady 10 Aprily 2016 tolakandro teny amin’ny FJKM Andrainarivo Fahasoavana izy ireo.
4.Nankatoavin’ ny mpivory ny maha Prezidà Synodaly mandritra ny efatra taona indray, ireo am-perinasa manerana ny Synodamparitany 38
5.Ny Radio Fahazavana, izay fitaovana ho fampandrosoana ny olona rehetra sy ny olona manontolo dia isaorana an’Andriamanitra fa efa mihatsara, na dia mbola misy tokony hohatsaraina bebe kokoa aza. Mangataka ny fanomezan-tànana avy amin’ny Fiangonana. Antsika ny Radio ary entintsika am-bavaka ny asany.
6.Aoka ny Fiangonana hazoto hivavaka ny amin’ny fanitaram-piangonana sy ny fitoriana ny Filazantsara “hatrany amin’ny faran’ny tany” (Asa 1:8), ka hiorina mafy amin’ny finoana an’I Jesoa Kristy Lohan’ny Fiangonana
7.Manamafy ny FJKM fa tsy ankasitrahan’Andriamanitra ny “homosexualité” ary tsy ekeny ny hampiharana izany.
8.Mitohy ary mbola hanentanana ny fiangonana ny fandraisana anjara amin’ny Kofehy Volamena.
9.Momba ny fiainam-pirenena :
– Entanina isika hivavaka ho an’ny FFKM amin’ny fanohizana ny fampihavanana izay efa natombony.
– Ny fiangonana mpaminany ho an’ny firenena dia miangavy ny Kristiana FJKM rehetra mba :
* Hampiseho ny maha kristiana sy hiaina ny maha-mpanompon’Andriamanitra azy ka hijoro ho vavolombelona hilaza ny marina, Hitandro toy ny anakandriamaso ny fihavanana malagasy.
* Hitondra am-bavaka ny mpitondra isan’ambaratonga mba tsy hikatsaka afa-tsy ny tombontsoan’ny vahoaka Malagasy izy ireny. Ny haren’ny firenena dia hahitan’ny isam-baravarana tombontsoa tokoa.
10.Farany, raha sitrapon’ny Tompo, dia hotanterahina any Antsirabe amin’ny 17-24 Aogositra 2016 izao ny Synoda Lehibe faha XVIII. Miangavy ny Synodamparitany,ny Fiangonana ary ny isam-batan’olona mba hitrotro amam-bavaka izany satria io no fahefana ambony indrindra amintsika FJKM.
“Aoka ho masina hianareo, satria masina Aho, Jehovah Andriamanitrareo” Lev 19:2b
Eto am-pamaranana dia mirary soa ho an’ny vahoakan’Andriamanitra rehetra izahay ary mamangy sy manao veloma finaritra.
“ Hitahy anareo anie Jehovah ka hiaro anareo…” (Nomery 6:24)
Ampandrana faha 13 Aprily 2016.
Amin’ny anaran’ny Mpiandraikitra Foibe
Ny Filoha Mpanampin’ny Biraon’ny Mpiandraikitra Foibe,
ZARAZAKA Jean Louis, Mpitandrina

Alakamisy 14 Jolay 2016

1 TANTARA 23.1-5
Ilana fahaiza-mandamina ny asan’Andriamanitra

Fantantsika tsara fa ny Andriamanitra ivavahantsika dia Andriamanitry ny filaminana , mikendry fiadanana ho an’ny vahoakany . Koa amin’ny andraikitra rehetra apetrany dia tena ilaina ny fandaminana , na nyfanaka izany na ny olona indrindra moa fa ny asa .

Iomanana ny fifandimbiasana (and1)

Manamarika ny fitahian’ Andriamanitra ny olona ny hoe : ela niainana . Ary izany no ilazana an’i Davida eto nanomana izay handimby azy . Raha ny bokin’ny Tantara no jerena dia hita fa efa voatendrin’ Andriamanitra ialoha ho mpandimby an’i Davida i Solomona , ary izy no voatendry ho mpanorina ny Tempoly . Na izany aza dia natao ho fantatry ny rehetra izany fanendrena azy handimby ny rainy izany .

Zaraina ny andraikitra (and 2-5)

Ny fanisana ny Levita no nanombohana ny fandaminana sy ny fizarana ny andraiitra . Rehefa izany dia notsinjaraina ny asa araka ny sokajiny avy , ao ny hanao ny fanompoana ao amin’ny Tempoly , ny ho mpanapaka , mpitsara , ny hiangaly ny zavamaneno sy ny maro hafa . Miara-miasa amintsika hatrany ny Tompo amin’ny fandaminana ny asany .<br />

Fanontaniana :

Inona no antony mahasarotra ny fifamindrana asa ? Inona no vahaolana heverinao ?

Birao Sekoly Alahady FOIBE FJKM

Alatsinainy 18 Jolay 2016

MPIARA-MIASA AMIN’NY TOMPO NY MINOJEREMIA 22.20-25

Ny vokatry ny tsy fihainoana ny Tenin’ Andriamanitra

Babylona no fahavalon’ny firenen’ ny Joda tamin’izany . NY olana dia tsy mety mihaino ny tenin’i Jehovah izay nampitondraina ny Mpaminany ny olona (and20-22). Io tsy fihainoana ny tenin’i Jehovah io no tena fototry ny fahavoazana mahazo ny firenena . Vokany : Henatra sy fangaihaizana (and22)Natoky ireo firenena Jentilisa ny mpanjaka ka tsy nihaino an’i Jehovah, kanefa ho resy avokoa ireo ka i Joda irery sisa no hihanjahanja , ho menatra eo , tsy hanana ianteherana intsony . Rehefa tsy mety mihaino izay lazain’ny tenin’ Andriamanitra ny mpitondra na ny vahoaka dia tsy hahita fahombiazana amin ’ ny ady ifanatrehana amin’ny satana ka hataony afa-baraka sy ho menatra .Fahababoana (and25)Ny olona izay tsy mihaino sy mankato ny Tenin’ Andriamanitra , tonga babon’ny fahavalo dia satana ka fahafatesana no anjarany . Raha tsy i Jesoa irery ihany no ianteherantsika sy henointsika dia tsy maintsy ho resy isika manoloana ny adintsika. Izy irery no manafaka antsika amin’ireo fahavoazana ireo .Fanontaniana :Nahoana no tsy te-hihaino ny Tenin’ Andriamanitra ny olona ?Birao Sekoly Alahady FOIBE FJKM

Fiofanana mpikirakira gazetim-piangonana

FIANTSOANA

Ho antsika rehetra mpikirakira ny Gazety amin’ ny Fiangonana FJKM dia ampahafantarina isika fa amin’ ny Alakamisy 9 Jona 2016 izao, tontolo andro no hanatontosana ny fifampiofanana eo amin’ ny mpikirakira ny gazetim-piangonana rehetra, eny amin’ ny trano CFD Ampandrana no hanatontosana izany manomboka amin’ ny 9 ora maraina.

Samy manao izay hahatongavana ny rehetra. Ny Fitandremana na ny Synodamparitany mandefa no hiantoka ny fitaovana ampiasain’ ny solontenany, toy izany koa ny sakafo. Mitondra baiboly sy fihirana, somary mangatsiaka eto Antananarivo ka manaova mafana tsara isika rehetra.

Marihina fa ny Asa Fifandraisana sy Fampahalalam-baovao (AFIFAB/FJKM) no mikarakara ny Fampiofanana sy ny fandaminana ho amin’ izany.

Ny isan’ ny solontena hanatrika ny fiofanana dia azo alefa amin’ ny adiresy mailaka manaraka izao : (hatramin’ ny 8 jona @ 12 ora atoandro)

Mailaka :

fjkmafifab@gmail.com

na miantso ny telefaonina : 020 22 282 37 ( HB )

na ny 034 63 332 07.

Fifandraisana Foibe

KERE ANY ATSIMO

VONJY AINA ho an’ny MPINO KRISTIANAany ATSIMO tratry ny KERE

Noho ny fahalavan’ny fotoana nisian’ny KERE any atsimo, dia lasa nifindra monina ny ankamaroan’ny mpino, indrindra fa ny tanora , vitsy ny miangona. Vao maraina be amin’ny 2 na 3 ora maraina dia lasa mandeha izy ireo , ao ny mitady raketa lavitra ka hariva vao tonga, ao koa ny mankeny Ambovombe mitondra ravi-katsaka sy voanemba amidy hohanin’ny ombin-tsaretin-drano. Misy amin’ireo ankizy kely 5 taona vesaran’ny ray aman-dreny entana sady noana no mangatsiaka sy reraka.Katekista roa hatreto no efa nangataka tso-drano tany amin’ny SP fa handeha, ka hilaozany ny Fiangonana. Ny Kristiana sisa tsy misy mahay mamaky teny sy manoratra ka tsy afaka hitarika.Vokatr’izany rehetra izany, ahiana ny hisian’ny Fiangonana hikatona ato ho ato. Noho izany mangataka VONJY AINA avy amin’ny mpino kristiana rehetra manerana ny sahan’ny FJKM mpianakavin’ny finoana any atsimo. Ny fanampiana izay ataon’ny SP sy ny Fiangonana tsirairay dia arotsaka ao amin’ny Foibe FJKM.

SITE WEB FOIBE / TATITRA

TATITRA SY VAOVAO Isaorana ny Tompo fa tanteraka ny Alakamisy 26 Mey 2016 tao amin’ny efitrano malalaky ny FOIBE FJKM ny fihaonana voalohany nihaonan’ireo mpikirakira SITE WEB eo anivon’ny fiangonana FJKM teto Antananarivo sy ny manodidina .Miisa 15 ireo nanohina ny antso nataon’ny Asa FIfandraisana sy FAmpahalalamBaovao FOIBE FJKM .Ireto avy ny fiangonana nahatonga solontena :1-FJKM Alasora Betesda2-FJKM Amparibe Famonjena3- FJKM Ambohimamory Malala4-FJKM Ivandry Firaisana5-FJKM Ambaniala Malala6-FJKM Ambohitantely7-FJKM Anosivavaka8-FJKM Avaratr’ Andohalo9-FJKM Katedraly Analakely10-FJKM Andrainarivo Fahasoavana11-FJKM Ambatomena12-FJKM Antanimarina (SP Afovoany Andrefana )13-FJKM Ankadimbahoaka14-FJKM AnkadifotsyNitarika ny Fanompoampivavahana fanombohana : ny Mpitandrina RALAMBOMAHAY Hendrininosy , Filohan’ny Komitin’ny AFIFAB/FOIBE .Ireto nitarika ny dinidinika kosa :- Andriamatoa Herivonjy RAJAONAH , Mpikambana ao amin’ny Komity no nanentana.- Ramatoa RAZAFIMALALA Tantely , Talen’ny AFIFAB/FOIBE ,- Ramatoa SAHONDRAMALALA Vololona Rabelison , Tomponandraikitry ny SITE WEB FOIBE FJKM ,Nifandimby nampahafantatra ny fampandehanana ny Tranokala misy ao aminy avy ny isam-piangonana tafavory tao sy ny olana atrehan’ny tsirairay .Nanentana ny mpitarika fa mba hisian’ny fiombonana dia tokony ho hita ao anatin’ny Tranokala ny LOGO FJKM sy ny loko MANGA MIVOLONDANITRA mampiavaka ny fiangonana FJKM .Rehefa izay dia niroso tamin’ny fananganana ny « Groupe de travail » roa :1- Groupe de travail DESIGN2- Groupe de travail CONTENUVoaresaka betsaka tao anatin’ny fifanakalozan-kevitra ny hanatsara ny fampitam-baovao mahakasika ny SYNODA LEHIBE XVIII , izay hatao any Antsirabe ny 17 -24 Aogositra 2016 ho avy izao . Hisy ny fifarimbonana sy fifanakalozana traikefa mba hahatanteraka izany .Ento am-bavaka izany sehatra asa sy ny fikasana tsara amin’ireo mpanompony izay vonona hanolotra ny talentany ho amin’ny asan’Andriamanitra .Ho an’ Andriamanitra irery ny Voninahitra Nangonin-dRamatoa Sahondra Rabelison ,Tomponandraikitry ny SITE WEB FOIBE

Fiofanana SITE WEB / Fiangonana

FANASANA

Ny Asa FIfandraisana sy FAmpahalalam-Baovao ( AFIFAB ) FOIBE FJKM dia miantso ireo tomponandraikitry ny Tranokalam-pifandraisana na SITE WEB ao amin’ny Fiangonana FJKM misy anareo tsirairay , ho tonga amin’ny fampihaonana voalohany antsika mpiserasera amin’ny alalan’izany seham-pifandraisana izany .

Ny fihaonana dia hotanterahina ny

Alakamisy 26 Mey 2016

amin’ny 9 ora 30 maraina

Efitra malalaky ny FOIBE FJKM

IFANOMEZANTSOA Analakely

Porte 201 , Rihana faha-2

Ny tanjona dia ny hahazoana mifanakalo vaovao , mifampita traikefa ho amin’ny fahatsaran’ny fifandraisana , ny fiparitahan’ny vaovaon’ny Fiangonana bebe kokoa , indrindra ny fielezan’ny fitoriana ny Filazantsara sy ny fitaizam-panahy eo anivon’ny Fiangonana FJKM .

Manantena izahay fa samy hifampilaza isika mpikirakira ny Tranokalam-pifandraisana eo anivon’ny Fiangonana FJKM eto Antananarivo manodidina .

Ho an’ Andriamanitra irery ny Voninahitra .

Alahadin’ny AFIFAB -27 Martsa 2016

PASKA 2016

FANDAHARANA IOMBONANA Fiarahabana ApostolikaFiderana ny Tompo : Apokalypsy 15:3b-4Hira 146Vavaka FideranaSitrapon’ Andriamanitra : I Korint. 15 : 12-15Hira 141 : 3Vavaka FifonanaHira 409:2Fanekem-pinoana ApostolikaFotoana ho an’ ny ankizyRaharahaRakitraVavakaHira 205 : 1,2Fankalazana ny Tenin’ AndriamanitraVavakaVakiteny Soratra Masina

Eks. 14:23-31Marka 16 : 1-8Efesiana 5 : 1-2

Hira 177 : 1,3ToritenyVavakaAsa vavolombelonaHira 142 : 3TsodranoHira 142 : 4AMENHo an’ Andriamanitra irery ny Voninahitra……………………………………………………………………………………………………..Ho an’ny Mpitandrina sy ny Fiangonana FJKM rehetraRy Havana,Ampitomboina ho aminareo mandrakariva hatrany anie ny fahasoavan’I Jesoa Kristy Tompontsika.Isaorana Andriamanitra noho ny fitahiana natobany sy nitahiany ny Fiangonana. Migadona indray ity ny Andron’ ny AFIFAB, miavaka izany amin’ ity taona 2016 ity satria andron’ ny Paska no hanamarihantsika izany koa miarahaba antsika rehetra amin’ ny anaran’ ny Tompo Jesoa,“ Fa voavono Kristy, Paska ho antsika” I Kor.5:7bIsaorana ny Tompo fa efa mandeha ary miodina ny Radion’ny Fiangonana, ny Radio Fahazavana. Mbola maro anefa ny ezaka miandry antsika rehetra hahalavorary ny fampandehanana azy ; mila ny fifanomezan-tanana sy fifampitondrana am-bavaka hahalavorary ny asa fitoriana ny Filazantsara atao amin’ ny alalan’ ny haino aman-jery.Ny vaovao tsara ho fantatra, ny mahakasika ny fiainan’ ny Fiangonana dia entina tsy tapaka eo anivon’ ny gazety Marturia Vavolombelona, mahatoky izahay ry Havana fa hahatsapa isika rehetra fa ny fandraisana anjara amin’ ny famakiana sy fividianana ireny gazety avoakan’ ny Fiangonana ireny dia fanohanana ny asa fitoriana izay sahanintsika amin’ ny alalan’ ny gazety.Eto ihany koa no hampitana hafatra manokana ho antsika rehetra, hifarimbona sy hifanome tanana manoloana ny Asa iombonana sahanin’ ny Fiangonan’ I Jesoa Kristy eto Madagasikara (FJKM) . Tena kitro ifaharan’ ny Asa fitoriana sy fampielezana ny filazantsara ny Asa iombonana ka mila fifanohanana ; hatreto dia vitsy no mandray anjara sy manohana izany.Betsaka ny asa miandry antsika rehetra amin’ ity taona 2016 ity ho fampandrosoana ny Asa Fifandraisana sy Fampahalalam-baovao (AFIFAB) izay ahitana ny Radio Fahazavana, ny gazety Marturia Vavolombelona, ny tranokalam-pifandraisana, sy ny Arofenitra.Toy ny kofehy mampifandray ny FJKM rehetra ny asam-pifandraisana, koa mahatoky izahay ny fifanomezan-tànana eo amintsika ho fampandrosoana izany.Hifampitondra am-bavaka sy hiara-miasa isika amin’ny fitoriana ny Filazantsara amin’ny teny sy ny asa ary ny fiainana manontolo, hifampitondra am-bavaka, hifanohana ara-pitaovana sy ara-bola ho amin’ny fampandrosoana ny asa rehetra.Mino sy mahatoky izahay fa hametraka ho zava-dehibe sy ho laharam-pahamehana ny asan’ny Fiangonana isika kristiana ry havana, mba hahalavorary ny asan’ny Tompo, izay niantsoana antsika rehetra hanao Asa tsara.Mamangy sy manao veloma finaritra anareo amin’ ny Anaran’ ny Tompo.Ny Filohan’ ny Komity AFIFABRALAMBOMAHAY Hendrininosy Mpit.Ny Talen’ ny AFIFAB RAZAFIMALALA Tantely

Modifier cet article