Fanirahana Mpiasa 2023

FAMOAHANA SY FANIRAHANA MPIASA VAOVAO

Fa voasoratra hoe : « Mba hanao izany no nanendrena ahy ho mpitory sy Apostoly (milaza ny
marina aho, fa tsy mandainga), ho mpampianatra ny jentilisa amin’ny finoana sy ny
fahamarinana. » (1 Timoty 2:7)

Tonga maro nifanotrona teny amin’ny kianja maitso Antsahamanitra ny mpino kristiana,
tamin’ny tolakandron’ny Alahady 30 Jolay 2023, namonjy ilay fotoam-pivavahana miavaka,
famoahana araka ny fombam-piangonana, sady fotoana fanirahana ireo mpiasa vaovao miisa 202,
ahitana Mpitandrina FJKM miisa 140 sy Mpampianatra FJKM, miisa 62. Marihina fa andiany
misalotra ny anarana : “Iraka Fanasina” izy ireo.
Nitarika izany fotoan-dehibe notronin’ny rehetra izany, ny Biraon’ny MF (Mpiandraikitra
Foibe), Atoa RAKOTOBE RAJAOMANJATO Dodaherisoa, Mpitandrina. Nitondra ny
hafatr’Andriamanitra, sy nitarika ny fanatanterahana ny asa vavolombelona, ny Filoha FJKM, Dr
IRAKO ANDRIAMAHAZOSOA Ammi, Mpitandrina. Izay nanambara tamin’ny toriteniny, ireo hevi-
dehibe telo tamin’ny toriteniny : 1/ Mijoroa ho mahatoky. 2/ Mitoria sy mampianara. 3/ Mivavaha
mandrakariva.
Marihina fa nirahina manerana ny sahan’ny FJKM izy ireo, ho vavolombelon’i Jesoa Kristy

.
MAMY NIRINA