Hafatry ny Filoha/Des 2022
VONTOSY FILAZANTSARA
NY NOSY MADAGASIKARA !
Fa hifarana ny taona
Ka fotoana mety izao
Hitodihana ny lasa
Ny amin’ny asa izay natao.
Amin’ito asa mafy
Midadasika tokoa:
mety hahatsiaro tena
ho tena kely angamba ianao,
kanefa na ny vitsika aza,
moa ve tsy tena kely;
saingy he ny fahendreny
azontsika alaina tahaka
amin’izato fahazotoany,
amin’izato firindràny,
am’izato fifandraisana
efa tena lalim-paka
amin’izy samy izy,
tsy mba misy mifamely!
Koa na toy ny bitika aza
Ny zava-bitan’isanisany,
Tonga zava-dehibe
Rehefa indray mitambatra eo !
Ary izato ianao sy izaho
Mba manahoana kosa re?
Moa mihevi-tena ho kely
Dia mijanona am’izao
Tsy mirotsaka hanefa
Ny anjara adidinao?
Diniho ny lasa dia sahia
Manefy fikasana vao:
VONTOSY FILAZANTSARA
NY NOSY MADAGASIKARA !
IRAKO AMMI