Sabotsy 05 Jiona 2021

APOKALYPSY 2.18-29

Jesoa Zanak’Andriamanitra

Ho fampaherezana ireo kristiana niharan’ny fanenjehana , ho fampaherezana ireo kristiana niezaka nijoro ho vavolombelon’i Jesoa tamin’ny fotoan-tsarotra no antony nanoratan’i Jaona ny Apokalypsy . Ny tanjona tamin’izany dia ny hampahafantatra fa i Jesoa , izay ninoan’izy ireo dia efa nandresy teto amin’izao tontolo izao , ka manjaka ao amin’ny fanjakan’Andriamanitra . Jesoa Zanak’Andriamanitra dia :

1-Mahalala tsara ny olony (and19)

Fantatr’i Jesoa amin’ny antsipirihany ny momba ny olony araka izay ambaran’i Jaona eto : asa , fitiavana manao ny asa , finoana manosika hiasa , faharetana amin’ny asa. Tsy misy miafina amin’i Jesoa araka izany ny fiainan’ny mpanompony , ny fiainan’ny mino eo am-pijoroana vavolombelona . Andriamanitra mahita sy mahatsapa ny zavatra rehetra tokoa mantsy i Jesoa . Zava-dehibe ho an’ny mino ny mahalala an’izany , satria fantany fa mijery sy tena mahita azy ny Tompony .

2-Mamaly ny olona araka ny asany (and23 )

Mifanaraka amin’ny asa tanterahin’ny olona no valim-pitia azony antenaina avy amin’Andriamanitra . Andriamanitra marina i Jesoa ka mamaly ny olona araka ny ezaka rehetra tanterahiny amin’ny fanompoana Azy. Tsy misy miasa jamba rafozana izany ao amin’i Jesoa . Tsy maintsy hahazo valim-pitia avokoa izay mikely aina tsara avy amin’ny Tompo izy , raha ratsy kosa dia hahazo valiny mifanaraka amin’izany avy amin’ny Tompo koa izy . Raha tsy maintsy hahazo valin’asa avy amin’ny Tompo ihany , aleo miezaka manao asa tsara fa hahazo valim-pitia tsara avy amin’Andriamanitra .

Fanontaniana :

Inona no valin’asa lehibe indrindra omen’ny Tompo antsika ?

Sampana Sekoly Alahady FOIBE FJKM

Perikopa 2021

Jona: ANORENANA NY MAHA-KRISTIANA NY FINOANA

| | 20. Ala.III . man Trinite-Sampana Vokovoko Manga
Oha 23.26-35/ Mat 23.1-12/ 1 Pet 4.1-6

| | 27. Ala.IV man.Trinite
2 Mpanj 22.11-20/ Mat 16.13-19 / 1Kor1.4-9

Jolay: MIORENA AMIN'NY ANTSON'NY TOMPO

| | 04. Ala.V man Trinite
Gen 12.1-9/ Lio 5.27-32/ 2Tes 2.13-17

| | 11. Ala.VI man .Trinite-Sampana Tanora Kristiana
Eks 3.7-14/ Jao 10.1-10/ Asa 7.30-38

FJKM Fahazavana

FJKM ANKADIKELY ILAFY